ମାଲକାନଗିରି : ମାଲକାନଗିରି ଜିଲା ସଦର ମହକୁମାରେ ମଙ୍ଗଳବାର ଛାତ୍ର ଆନ୍ଦୋଳନ ଉଗ୍ରରୂପ ନେଇଛିା ଛାତ୍ର ସଂସଦ ପକ୍ଷରୁ କଲେଜର ଛାତ୍ରଛାତ୍ରୀମାନେ ସାତଦଫା ଦାବି ନେଇ ଆନ୍ଦୋଳନ କରି କଲେଜର ଫାଟକରେ ତାଲା ପକାଇଥିଲେ। ତୁରନ୍ତ ମାଲକାନଗିରିର ଏହି ପୂର୍ବତନ ମହାବିଦ୍ୟାଳୟକୁ ସରକାରୀ ମାନ୍ୟତା, ଯୁକ୍ତଦୁଇ ଓ ଯୁକ୍ତ ତିନି ଛାତ୍ରଛାତ୍ରୀଙ୍କ ପାଇଁ ଫିସ୍ ଦର କମାଇବା, କଲେଜ ପରିସର ମଧ୍ୟରେ ବିଭିନ୍ନ ଖାଲ ଖମାର ହୋଇ ଥିବାରୁ ଏଠାରେ ମାଟି ପକାଇ କଲେଜ ପରିବେଶକୁ ଉନ୍ନତ କରିବା, ନୂତନ ପାଠାଗାର ଖୋଲିବା, ବାର୍ଷିକ ସପ୍ତାହ ଏବଂ ବାର୍ଷିକ ଉତ୍ସବ ପାଳନ କରିବା କଲେଜରେ ନୂତନ ଭାବେ ଏକ ସ୍ଥାୟୀ ଅଧ୍ୟକ୍ଷଙ୍କୁ ନିଯୁକ୍ତି ଭଳି ଦାବି ଗୁଡିକ ପୂରଣ ନ ହେଲେ ଆଗାମୀ ଦିନରେ କଲେଜରେ ଆନ୍ଦୋଳନ ତିବ୍ରତର କରାଯିବ ବୋଲି ଛାତ୍ର ସଂସଦ ପକ୍ଷରୁ ଚେତାବନୀ ଦିଆଯାଇଛି। ଏହି ଆନ୍ଦୋଳନରେ ପ୍ରଦୀପ ଦଳପତି, ରଶ୍ମିରଂଜନ ରାଉତ, ମନିଷ ଚଲାଣ, ସୋନାଲି ଖରା, ସୁରଜିତ ଟୁଡୁ ପ୍ରମୁଖ ଯୋଗ ଦେଇଥିଲୋ
