ସମାଜ ଡିଜିଟାଲ ଡେସ୍କ: ସ୍ପେଶ ଏକ୍ସ ତଥା ଟେସଲା ସିଇଓ ଏଲନ ମସ୍କ ସର୍ବଦା ନିଜର ମନ୍ତବ୍ୟ ପାଇଁ ଚର୍ଚ୍ଚାରେ ରହିଥାଆନ୍ତି। ଏବେ ପୁଣି ଥରେ ସେ ଚର୍ଚ୍ଚାକୁ ଆସିଛନ୍ତି। ଏଥର ସେ ଭାରତର ନିର୍ବାଚନ ବ୍ୟବସ୍ଥା ଉପରେ ମନ୍ତବ୍ୟ ଦେଇ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ସେ କହିଛନ୍ତି ଯେ, ଭାରତ ଗୋଟିଏ ଦିନରେ ୬୪୦ ନିୟୁତ ଅର୍ଥାତ ୬୪ କୋଟି ଭୋଟ ଗଣତି କରିଦେଲା, କିନ୍ତୁ ଆମେରିକାର ଏକ ରାଜ୍ୟ କାଲିଫର୍ଣ୍ଣିଆରେ ଏବେ ବି ଭୋଟ ଗଣତି ଜାରି ରହିଛି।
ସାମାଜିକ ଗଣମାଧ୍ୟମ ଏକ୍ସ’ର ମାଲିକ ମସ୍କ ନିଜର ଏହି ମନ୍ତବ୍ୟ ନିଜ ସାମାଜିକ ଗଣମାଧ୍ୟମ ସାଇଟ୍ରେ ଏହି ପୋଷ୍ଟ କରିଛନ୍ତି। ଏକ୍ସ’ରେ ଜଣେ ବ୍ୟବହାରକାରୀ ଲେଖିଥିଲେ, ଭାରତ ଗୋଟିଏ ଦିନରେ ୬୪ କୋଟି ଭୋଟ ଗଣିଦେଲା, କିନ୍ତୁ କାଲିଫର୍ଣ୍ଣିଆ ଦେଢ଼ କୋଟି ଭୋଟକୁ ଏବେ ବି ଗଣୁଛି। ମତଦାନର ୧୮ ଦିନ ବିତିଗଲାଣି, କିନ୍ତୁ ଭୋଟ ଗଣତି ସରୁନାହିଁ। ଏଲନ ମସ୍କ ଏହି ପୋଷ୍ଟ ଉପରେ ନିଜର ପ୍ରତିକ୍ରିୟା ରଖି ଏପରି କହିଛନ୍ତି।
India counted 640 million votes in 1 day.
California is still counting votes 🤦♂️ https://t.co/ai8JmWxas6
— Elon Musk (@elonmusk) November 24, 2024
ସୂଚନାଯୋଗ୍ୟ, ଗତ ନଭେମ୍ବର ୫ ଏବଂ ୬ ତାରିଖରେ ଆମେରିକା ରାଷ୍ଟ୍ରପତି ନିର୍ବାଚନ ଲାଗି ଭୋଟଗ୍ରହଣ ହୋଇଥିଲା। ଏହା ପରଠାରୁ ସେଠାରେ ଭୋଟ ଗଣତି ଚାଲିଛି। ଆମେରିକାର ଅନ୍ୟ ରାଜ୍ୟଗୁଡ଼ିକରେ ଭୋଟ ଗଣତି ଶେଷ ହୋଇଯାଇଛି। ଡୋନାଲ୍ଡ ଟ୍ରମ୍ପ ବିଜୟୀ ହୋଇସାରିଛନ୍ତି। କିନ୍ତୁ କାଲିଫର୍ଣ୍ଣିଆରେ ଭୋଟ ଗଣତି ସରିନାହିଁ। ତେବେ ଭାରତ ଏବଂ ଆମେରିକାରେ ନିର୍ବାଚନରେ ବଡ଼ ଅନ୍ତର ଏହା ଯେ, ଆମେରିକାରେ ଏବେ ବି ବାଲଟ ପେପରରେ ମତଦାନ ହେଉଛି। ମାତ୍ର ଭାରତରେ ଅନେକ ବର୍ଷ ପୂର୍ବରୁ ମତଦାନ ପାଇଁ ଇଭିଏମ ବ୍ୟବହାର କରାଯାଉଛି।
Tragic https://t.co/K7pjfWhg6D
— Elon Musk (@elonmusk) November 24, 2024
