ବଣାଇ: ବଣାଇ ସ୍ବତନ୍ତ୍ର ଉପ କାରାଗାରରେ ହତ୍ୟା ମାମଲାରେ ବିଚାରଧୀନ ଥିବା ଜଣେ କଏଦୀର ଆଜି ସକାଳେ ମୃତ୍ୟୁ ଘଟିଛି। ଘଟଣାରୁ ପ୍ରକାଶ ଯେ କେ.ବଲାଙ୍ଗ ଥାନା ଅଞ୍ଚଳର ଜୋହନ ମିଞ୍ଜ(୬୩)ଏବଂ ତାଙ୍କ ପୁଅ ଏକ ହତ୍ୟା ମାମଲାରେ ବଣାଇ କାରାଗାରରେ ବିଚାରାଧୀନ କଏଦୀ ଭାବେ ରହୁଥିଲେ। ବାପାର ବୟସାଧିକ ଦୁର୍ବଳତା ଯୋଗୁଁ ପୁଅ ତାଙ୍କର ସମସ୍ତ ସେବା କରୁଥିଲେ। ଗୁରୁବାର ସକାଳେ ହଠାତ୍ ଜେଲ୍ ହାଜତରେ ସେ ଅସୁସ୍ଥ ହୋଇପଡ଼ିଥିଲେ। ଏହା ଦେଖି ଜେଲ୍ କର୍ମଚାରୀ ତାଙ୍କୁ ତୁରନ୍ତ ବଣାଇ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତେବେ କେଉଁ କାରଣରୁ ହଠାତ୍ ତାଙ୍କର ମୃତ୍ୟୁ ଘଟିଲା ତାହା ଅସ୍ପଷ୍ଟ ରହିଛି।
Popular Categories
Previous article
Next article