ନୂଆଦିଲ୍ଲୀ : ହ୍ୟୁଣ୍ଡାଇ ନିଜ ଇଲେକ୍ଟ୍ରିକ୍ ପୋର୍ଟଫୋଲିଓରେ ନୂଆ ମଡେଲ ଯୋଡି ଫ୍ଲାଗସିପ୍ ଆୟୋନିକ୍ ୯ ନେଇଆସିଛି। ଥରେ ଚାର୍ଜ କଲେ ଏହା ୬୨୦ କିଲୋମିଟର ଯାତ୍ରା କରିପାରିବ ବୋଲି କମ୍ପାନୀ ଦାବି କରୁଛି ୩୫୦ କେଡବ୍ଲୁ ଚାର୍ଜର ସହିତ ଏହା ୨୪ ମିନିଟରେ ୧୦ରୁ ୮୦ ପ୍ରତିଶତ ଚାର୍ଜ ହୋଇଯିବ । ୨୦୨୫ ର ପ୍ରଥମ ତ୍ରୈମାସିକରେ ଏହାକୁ କୋରିଆ ଓ ଆମେରିକାରେ ସର୍ବପ୍ରଥମେ ବିକାଯିବ ।
ମାତ୍ର ୯.୪ ସେକେଣ୍ଡରେ ଶୂନ୍ୟରୁ ୧୦୦ କିଲୋମିଟର ପ୍ରତି ଘଣ୍ଟା ସ୍ପିଡ୍ ଧରିପାରିବ । ଏଥିରେ ୭ଟି ସିଟ୍ ମିଳିବ । ୧୨ ଇଞ୍ଚର ଡିଜିଟାଲ ଇନଷ୍ଟ୍ରୁମେଣ୍ଟ କ୍ଲଷ୍ଟର, ଏମ୍ବିଏଣ୍ଟ ଲାଇଟିଂ, ମଲ୍ଟି-ଜୋନ୍ କ୍ଲାଇମେଟ୍ କଣ୍ଟ୍ରୋଲ, ୧୪ ସ୍ପିକର ବିଶିଷ୍ଟ ବୋସ୍ ସିଷ୍ଟମ ମିଳିଥାଏ । ଗାଡିରେ ୧୦ଟି ଏୟାରବ୍ୟାଗ୍ ମିଳିବ । ତେବେ ଏହାର ଦାମ୍ ସମ୍ପର୍କରେ କମ୍ପାନୀ କୌଣସି ସୂଚନା ଦେଇନି ।
