ରାଇକିଆ : ବିଳମ୍ବରେ ହେଲେ ଚଳିତ ବର୍ଷ କନ୍ଧମାଳ ଜିଲାରେ ଶୀତ ପ୍ରକୋପ ଆରମ୍ଭ ହୋଇଛି। ସକାଳୁ କୋହଲା ପବନ ସାଙ୍ଗକୁ ହାଲକା କୁହୁଡି ଅନୁଭୂତ ହେଉଛି। ରାଇକିଆରେ ପ୍ରାୟତଃ ୧୪ ରୁ ୧୮ ମଧ୍ୟ ରେ ତାପମାତ୍ରା ରହୁଛି। ଆଭ୍ୟନ୍ତରୀଣ ଅଞ୍ଚଳରେ ମଧ୍ୟ ଶୀତ ଅନୁଭୂତ ଧୀରେ ଧୀରେ ତାପମାତ୍ରା କମୁଥିବା ବେଳେ ସାରା ଅଂଚଳ ଥରୁଛି। ରାତି ୮ଟା ପରେ ବଜାର ଗହଳି କମିଯାଉଛି। ରାତି ବଢ଼ିଲେ କୁହୁଡି ଆରମ୍ଭ ହେବା ସହ ଶୀତ ବଢୁଛି। ଚଳିତ ବର୍ଷ ବିଳମ୍ବରେ ଶୀତର ଆଗମନ ଏବଂ ହଠାତ ତାପମାତ୍ରା ହ୍ରାସ ଯୋଗୁଁ ହଠାତ୍ ପ୍ରବଳ ଥଣ୍ଡା ପଡ଼ିବା ଆରମ୍ଭ ହୋଇଛି। ପୂର୍ବରୁ ଶୀତ କମ୍ ହେଉଥିବା ଯୋଗୁଁ ବେପାରୀ ନିରାଶ ହୋଇଥିଲେ । ହଠାତ୍ ଶୀତ ବଢ଼ିବାରୁ ବଜାରରେ ଶୀତ ବସ୍ତ୍ର ଚାହିଦା ବଢ଼ିଛି। ଦୋକାନ ବଜାରରେ ଶୀତ ବସ୍ତ୍ର କିଣିବା ପାଇଁ ଗହଳି ଚହଳି ଲାଗିରହୁଥିବା ଦେଖିବାକୁ ମିଳିଛି।
Comments are closed.