ଗୋପାଳପୁର : ନାବାଳିକାକୁ ଦୁଷ୍କର୍ମ ଉଦ୍ୟମ ମାମଲାରେ ଜଣେ ଯୁବକକୁ ଗୋପାଳପୁର ପୁଲିସ ଗିରଫ କରି କୋର୍ଟ ଚାଲାଣ କରିଛି । ଯୁବକ ଜଣକ କଦରପଲ୍ଲୀ ଗ୍ରାମର ସୁଶାନ୍ତ ପ୍ରଧାନ ବୋଲି ପୁଲିସ କହିଛି । ସୂଚନା ପ୍ରକାରେ ଗତ ଗୁରୁବାର ପିଡିତା ନାବାଳିକା ପରିବାର ଲୋକେ କୌଣସି ଏକ କାମରେ ବାହାରକୁ ଯାଇଥିଲେ । ସେହି ସମୟରେ ୫ ବର୍ଷର ନାବାଳିକା ଅଙ୍ଗନବାଡିରୁ ଫେରି ଘରେ ଥିଲା । ପଡୋଶୀ ଘରେ ରହୁଥିବା ସୁଶାନ୍ତ ପ୍ରଧାନ ଘରେ କେହି ନଥିବାର ସୁଯୋଗ ନେଇ ମଧ୍ୟାହ୍ନ ସମୟରେ ନିଜ ଘରକୁ ନାବାଳିକାକୁ ଡ଼ାକି ବାରି ଘର କବାଟ ବନ୍ଦ କରି ଦୁଷ୍କର୍ମ କରିବା ପାଇଁ ଉଦ୍ୟମ କରିଥିଲା । ସେହି ସମୟରେ ଯୁବକଙ୍କ ମାମୁଁ ଆସିଯିବାରୁ ସୁଶାନ୍ତ କବାଟ ଖୋଲି ସେଠାରୁ ଚାଲି ଯାଇଥିଲା । ଝିଅର ବାପା ଓ ମା ଘରକୁ ଫେରିବା ପରେ ଝିଅ ସମସ୍ତ ଘଟଣା କହିଥିଲା । ପରିବାର ଲୋକ ସବୁ ଶୁଣିବା ପରେ ନ୍ୟାୟ ପାଇଁ ଗ୍ରାମ ସଭା ହୋଇଥିଲା । ସଭାରେ ନିଷ୍ପତି ପ୍ରକାରେ ସେମାନେ ଗ୍ରାମ ଛାଡ଼ି ଚାଲିଯିବା ପାଇଁ ନିଷ୍ପତି ହୋଇଥିଲା । କିନ୍ତୁ ସେମାନେ ଗ୍ରାମରେ ରହିଥିବାରୁ ଝିଅ ମାନଙ୍କ ଜୀବନ ପ୍ରତି ବିପଦ ରହିଥିବାରୁ ପରିବାର ଲୋକେ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପ୍ରକାରେ ପୁଲିସ କେସ ନମ୍ବର ୩୧୫/୨୪ ମାମଲା ରୁଜୁ କରି ଝିଅର ବୟାନ ରେକର୍ଡ କରି ଅଭିଯୁକ୍ତକୁ କାବୁ କରି ଆଜି କୋର୍ଟ ଚାଲାଣ କରିଥିବା ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ କହିଛନ୍ତି ।
Comments are closed.