ସମ୍ବଲପୁର: ସମ୍ବଲପୁର ଉପକଣ୍ଠ ଶାସନ ଥାନା ଅନ୍ତର୍ଗତ ଝାରଘାଟି ଗ୍ରାମରେ ଶନିବାର ଗୋବର୍ଦ୍ଧନ ପୂଜା ଉତ୍ସବ ସମୟରେ ଘଟିଥିବା ହତ୍ୟା ଘଟଣାରେ ୩ ଅଭିଯୁକ୍ତଙ୍କୁ ପୁଲିସ ଗିରଫ କରି ଅଦାଲତ ଚାଲାଣ କରିଛି। ସଦର ଏସଡିପିଓ ତୁଫାନ ବାଗଙ୍କ ସୂଚନାନୁଯାୟୀ, ଗୋବର୍ଦ୍ଧନ ପୂଜା ଉତ୍ସବରେ କୃଷ୍ଣ ଗୁରୁ ନୃତ୍ୟ ଚାଲିଥିବା ସମୟରେ ବିଳମ୍ବିତ ରାତ୍ରିରେ ରେଙ୍ଗାଲିର ପୁରୁଣାବସ୍ତି ଅଞ୍ଚଳର ଅନୁରୋଧ ବାଗ(୧୮) ଯାତ୍ରା ଦେଖିବା ପାଇଁ ଯାଇଥିଲେ । ରାତ୍ରି ପ୍ରାୟ ୨ଟା ୫୦ ମିନିଟରେ ଅନୁରୋଧ ବାଗ ଓ କମିଟିର ସଦସ୍ୟମାନଙ୍କ ମଧ୍ୟରେ ବିବାଦ ହୋଇ ମାଡପିଟ ହୋଇଥିଲା । ଏହି ସମୟରେ ଝାରଘାଟି ଗ୍ରାମର ପୌଲସ ଖଡିଆ (୩୭), ଲିଙ୍ଗରାଜ ଖଡିଆ ଓରଫ ଏକଡା (୨୨) ଓ ନରେଶ ମୁଣ୍ଡା (୨୧) ପଛ ପଟରୁ ଅନୁରୋଧ ବାଗଙ୍କୁ ଏକ ଭୁଜାଲି ସାହାଯ୍ୟରେ ଆକ୍ରମଣ କରି ବାରମ୍ବାର ଆଘାତ ଦେଇଥିଲେ। ଫଳରେ ଗୁରୁତର ଆହତ ଅନୁରୋଧଙ୍କୁ ତୁରନ୍ତ ଉଦ୍ଧାର କରାଯାଇ ବୁର୍ଲା ଭୀମସାରକୁ ନିଆଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଲିସ ଏହି ଘଟଣାରେ ଏକ ମାମଲା(୨୬୩/୨୦୨୪) ରୁଜୁ କରି ଅଭିଯୁକ୍ତମାନଙ୍କୁ ଗିରଫ କରିଛି।
Comments are closed.