ଭୁବନେଶ୍ବର: ଆଜି ହେଉଛି ଆଲୋକର ପର୍ବ ଦୀପାବଳି । ଗାଁଠୁ ସହର ସବୁଠି ଉତ୍ସାହର ମାହୋଲ। ସବୁଠି ଉତ୍ସାହର ମାହୋଲ, ଆଲୋକମାଳାରେ ଝଲସୁଛି ଗାଁଠୁ ସହର। ସନ୍ଧ୍ୟାରୁ ଘର ସମ୍ମୁଖରେ ଦୀପ ଜଳୁଥିବାବେଳେ ରଙ୍ଗୀନ ଆଲୋକମାଳାରେ ଗାଁରୁ ସହର ସଜେଇ ହୋଇଛି । ନୂଆ ପୋଷାକ ପିନ୍ଧି ଦୀପ ଜାଳି ଲୋକେ ବାଣ ଫୁଟାଉଛନ୍ତି।ଆଲୋକ ଓ ଆନନ୍ଦର ପର୍ବ ଦୀପାବଳି ଅବସରରେ ଓଡ଼ିଶାର ସମସ୍ତ ଭାଇ ଓ ଭଉଣୀ ମାନଙ୍କୁ ମୋର ହାର୍ଦ୍ଦିକ ଅଭିନନ୍ଦନ ବୋଲି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଥିଲେ । ଏହି ଅବସରରେ ସମସ୍ତଙ୍କ ଜୀବନରୁ ଅନ୍ଧକାର ଦୂର ହୋଇ ଜ୍ଞାନର ଅଭ୍ୟୁଦୟ ହେଉ ଓ ଏତିକି ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ମୋର ପ୍ରାର୍ଥନା କରୁଛି । ବିକାଶର ଆଲୋକ ସମସ୍ତଙ୍କ ଜୀବନକୁ ଆଲୋକିତ କରୁ ବୋଲି ରାଜ୍ୟବାସୀଙ୍କୁ ଦୀପାବଳିର ଶୁଭେଚ୍ଛା ବାର୍ତ୍ତାରେ କହିଛନ୍ତି।
ସନ୍ଧ୍ୟା ହେବା କ୍ଷଣି ରଙ୍ଗୀନ ଆଲୋକମାଳା ସାଙ୍ଗକୁ ଦୀପ ଓ କ୍ୟାଣ୍ଡେଲରେ ଲୋକେ ଘରକୁ ସଜାଇଛନ୍ତି। ପିଠାପଣା ଓ ମିଠା ସାଙ୍ଗକୁ ବାଣ ଫୁଟାଇ ଦୀପାବଳି ଉତ୍ସବକୁ ପାଳନ କରୁଛନ୍ତି ସଭିଏଁ । ପବିତ୍ର ଦୀପାବଳି ଉପଲକ୍ଷେ ଆଜି ପୟା ଶ୍ରାଦ୍ଧ ରହିଥିଲା। ତେଣୁ ଏହି ଅବସରରେ ଶ୍ରଦ୍ଧାଳୁ ପିତୃପୁରୁଷଙ୍କୁ ଶ୍ରାଦ୍ଧ ଦେଇ ବିଦାୟ ଦେଇଛନ୍ତି। କାଉଁରିଆ କାଉଁରିଆ କାଠିରେ ନିଆଁ ଲଗାଇ ବଡ଼ବଡୁଆ ଡାକ ଦେଇଛନ୍ତି।
