ଫୁଲବାଣୀ: ଦୁର୍ନୀତି ନିବାରଣ ବିଭାଗ ତରଫରୁ ଦୁର୍ନୀତି ନିବାରଣ ସପ୍ତାହ ପାଳିତ ହେଉଥିବା ବେଳେ ଆଜି ଫିରିଙ୍ଗିଆଠାରେ ଥିବା ପଞ୍ଚାୟତ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଦୁର୍ନୀତି ନିବାରଣ ସପ୍ତାହ ପାଳନ ସହ ଶପଥ ପାଠ ଏବଂ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏହି କାର୍ଯ୍ୟକ୍ରମ ପଞ୍ଚାୟତ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଡଃ ଚିତ୍ତରଞ୍ଜନ ମିଶ୍ରଙ୍କ ଅଧ୍ୟକ୍ଷତାରେ ଓଡ଼ିଆ ଅଧ୍ୟାପକ ବିଭୁତି ଭୂଷଣ ଶତପଥୀ, ଅଧ୍ୟାପିକା ପ୍ରଭାତୀ ପାତ୍ର, ଅଧ୍ୟାପକ ପ୍ରଦୀପ୍ତ ବିଶ୍ୱାଳ, ବରିଷ୍ଠ କିରାଣୀ ବାଲୁଙ୍କେଶ୍ୱର ଆଚାର୍ଯ୍ୟ, କ୍ରୀଡା ଶିକ୍ଷକ ଲକ୍ଷ୍ମୀକାନ୍ତ ସାହୁ, ଚିନ୍ମୟୀ ନାୟକ, କନିଷ୍ଠ କିରାଣୀ ସସ୍ମିତା ପାଢ଼ୀ, ଧନ୍ଦା ମୂଳକ ଶିକ୍ଷକ ସୁଶାନ୍ତଙ୍କ ସହ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ। ଦୁର୍ନୀତି ନିବାରଣ ପାଇଁ ବିଦ୍ୟାଳୟ ପରିସରରେ ଅଧ୍ୟାପକ, ଛାତ୍ରଛାତ୍ରୀ ଦୁର୍ନୀତିରୁ ଦୂରେଇ ରହିବା ସହ ଦୁର୍ନୀତି ମୁକ୍ତ ପାଇଁ ଶପଥ ପାଠ କରିଥିଲେ। ଏହି ଅବସରରେ ବିଦ୍ୟାଳୟ ସଭାଗୃହଠାରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା। ଶତାଧିକ ଛାତ୍ରଛାତ୍ରୀ କାର୍ଯ୍ୟକ୍ରମରେ ଅଂଶଗ୍ରହଣ କରି ଦୁର୍ନୀତି ମୁକ୍ତ ସମାଜ ଗଠନରେ ସହଯୋଗ କରିବେ ବୋଲି ଶପଥ ଗ୍ରହଣ କରିଥିଲେ।
Comments are closed.