ଆରଡି : ଭଦ୍ରକ ଜିଲା ଆରଡି ନିକଟସ୍ଥ ଶୀତଳପୁର ଗାଁ ଦେଇ ପ୍ରବାହିତ ହେଉଥିବା ସାଳନ୍ଦୀ ନଦୀ ପଠାରେ ସୋମବାର ସକାଳ ସମୟରେ ଗୋଟିଏ ମଇଁଷି ନଦୀରୁ ପାଣି ପିଉଥିବା ବେଳେ ଝାମ୍ଫିନେଇଥିଲା ହିଂସ୍ର କୁମ୍ଭୀର। ହିଂସ୍ର କୁମ୍ଭୀରଟି ୧୫\୧୬ଫୁଟ ଲମ୍ବର ହୋଇଥିବାରୁ ମଇଁଷିଟିକୁ ନଦୀମଧ୍ୟକୁ ଟାଣି ନେଇ ଦୀର୍ଘ ସମୟ ଧରି ଝୁଣିକି ଖାଇଥିଲା। ବାତ୍ୟା ଦାନା ପ୍ରଭାବ ଲଗାଣ ବର୍ଷାରେ ସାଳନ୍ଦୀ ନଦୀ ଉଛୁଳା ଥିବାରୁ କିଛିଦିନ ହେବ ୫\୬ ହିଂସ୍ର କୁମ୍ଭୀର ନଦୀକୂଳ ଦେଇ ଘୁରି ବୁଲୁଥିବା ସୂଚନା ମିଳିଛି। ନଦୀକୂଳରେ କୁମ୍ଭୀର ଘୁରି ବୁଲୁଥିବାରୁ ଗାଁରେ ଆତଙ୍କ ସୃଷ୍ଟି ହୋଇଛି।
ଏପରିକି ନଦୀକୂଳିଆ ଲୋକ ଭୟରେ ନଦୀକୂଳକୁ ଜଗି ରହୁଛନ୍ତି। ପ୍ରତିଦିନ ନଦୀବନ୍ଧ ଦେଇ ଶତାଧିକ କୋମଳମତି ପିଲା ଗାଁ ପ୍ରାଥମିକ ସ୍କୁଲକୁ ଯାଉଛନ୍ତି। ସେହିପରି ଗାଁରେ ବସବାସ କରୁଥିବା ଲୋକ ଦୈନନ୍ଦିନ ନିତ୍ୟ ବ ବ୍ୟବାହାର ଜିନିଷ ପାଇଁ ଯାତାୟତ କରିଥାନ୍ତି। ସକାଳେ ଏପରି ଘଟଣା ଘଟିବା ପରେ ଖବର ପାଇ ଭଦ୍ରକ ଓ ଧାମନଗର ବନଖଣ୍ଡ ବିଭାଗ ପକ୍ଷରୁ ଡାକବାଜି ଯନ୍ତ୍ର ଦ୍ବାରା ଗାଁ ଲୋକଙ୍କୁ ସଚେତନତା କରାଯାଇଛି।
