ସମ୍ବଲପୁର: ଜିଲା ବର୍ଷିୟାନ କ୍ରିଡା ସଂଘ ସମ୍ବଲପୁର ଆନୁକୂଲ୍ୟରେ ସ୍ଥାନୀୟ ସିଂହପାଲି-କାଈଁଶିର କ୍ରିଡା ପ୍ରାଙ୍ଗଣରେ ୨୫ତମ ସୈରେନ୍ଦ୍ରୀ ନାୟକ ଟ୍ରଫି-୨୦୨୪ ଆନ୍ତଃ ହାଇସ୍କୁଲ ଫୁଟବଲ ପ୍ରତିଯୋଗିତାରେ ରବିବାର ୨ଟି କ୍ୱାଟର ଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଛି।
ପ୍ରଥମ ମ୍ୟାଚ ଚିପଲିମା ଉଚ୍ଚ ବିଦ୍ୟାଳୟ ଓ ବିକାଶ କନସେପ୍ଟ ସ୍କୁଲ ମଧ୍ୟରେ ହୋଇଥିଲା। ଚିପଲିମା ସ୍କୁଲ ଦଳ ସଂଘର୍ଷପୁର୍ଣ୍ଣ ମ୍ୟାଚରେ ୧ – ୦ ଗୋଲରେ ବିକାଶ ସ୍କୁଲ ଦଳକୁ ହରାଇ ସେମି ଫାଇନାଲ ଖେଳିବାକୁ ଉତ୍ତିର୍ଣ୍ଣ ହୋଇଛି। ସେହିଭଳି ଦ୍ୱିତୀୟ ମ୍ୟାଚ ଇନ୍ଦିରା ଗାନ୍ଧୀ ଆଞ୍ଚଳିକ ହାଇସ୍କୁଲ, ମୁଣ୍ଢେନପାଲି ଓ ସରକାରୀ ଉଚ୍ଚ ବିଦ୍ୟାଳୟ ବୁର୍ଲା ମଧ୍ୟରେ ଆୟୋଜିତ ହୋଇଥିଲା।
ଏଥିରେ ମୁଣ୍ଢେନପାଲି ଦଳ ୪ – ୦ ଗୋଲରେ ବୁର୍ଲା ସ୍କୁଲ ଦଳକୁ ହରାଇ ସେମି ଫାଇନାଲ ଖେଳିବାକୁ ଯୋଗ୍ୟତା ହାସଲ କରିଛି। ଏହି ଅବସରରେ ଅତିଥି ରୂପେ ବିଜୟ ଦେହୁରୀ, ଜନ ଖାଲକୋ, ସୁର୍ଯ୍ୟ ନାରାୟଣ ବେହେରା ଓ କୃଷ୍ଣଚନ୍ଦ୍ର ଶତପଥୀ ଯୋଗ ଦେଇଥିଲେ। ଖେଳକୁ ରେଫରୀ ରୂପେ ମଥୁରା ଓରାମ, ମନୋଜ ଭୋଇ, ଜଗେଶ୍ୱର ଓରାମ ଓ ଶାନ୍ତା ରନବିଡା ପରିଚାଳନା କରିଥିଲେ।
ପ୍ରତିଯୋଗିତାକୁ ସଂଘର ସମସ୍ତ ପଦାଧିକାରୀ ଓ ସଦସ୍ୟ ପରିଚାଳନା ଓ ଆୟୋଜନରେ ସହଯୋଗ କରୁଛନ୍ତି। ସୋମବାର ଏହି ପ୍ରତିଯୋଗିତାରେ ୨ଟି ସେମି ଫାଇନାଲ ମ୍ୟାଚରେ ପ୍ରଥମ ମ୍ୟାଚ ସିଏସବି ଜିଲା ସ୍କୁଲ ଓ ସେଭେନ ହିଲ୍ସ ପବ୍ଲିକ ସ୍କୁଲ ଏବଂ ମୁଣ୍ଢେନପାଲି ହାଇସ୍କୁଲ ଓ ଚିପଲିମା ହାଇସ୍କୁଲ ଦଳ ମଧ୍ୟରେ ଆୟୋଜିତ ହେବ।
Comments are closed.