ସମ୍ବଲପୁର : ଗଞ୍ଜେଇ ସନ୍ଦେହରେ ଗାଡି ଯାଞ୍ଚ ବେଳେ ମିଳିଲା ବିପୁଳ ରୁପା । କାର୍ ପଛ ସିଟ୍ରେ ଲୁଚାଇ ରଖାଯାଇଥିବା ରୁପା ଅଳଙ୍କାରକୁ ପୁଲିସ ମଙ୍ଗଳବାର ଜବତ କରିଛି। ବିଜୁ ଏକ୍ସପ୍ରେସ ୱେ ମଝିପାଲି ଟୋଲ୍ ଗେଟ୍ ନିକଟରୁ ୧୬୬ କେଜି ୪୦୯ ଗ୍ରାମ୍ ଓଜନର ରୁପା ଅଳଙ୍କାର ଓ ରୁପା ସାମଗ୍ରୀ ଜବତ କରାଯାଇଛି । ଅବକାରୀ ବିଭାଗର ସୂଚନା ପରେ ଜିଏସଟି ଟିମ୍ ଛାନ୍ଭିନ୍ ଆରମ୍ଭ କରିଛି । ଗାଡିଟି ବାହାର ରାଜ୍ୟର ହୋଇଥିବା ବେଳେ ଝାରସୁଗୁଡା ଅଭିମୁଖେ ଯାଉଥିଲା । ଏହି ଘଟଣାରେ ୩ ଜଣଙ୍କୁ ଅଟକ ରଖାଯାଇଥିବା ବେଳେ ରୁପା ଅଳଙ୍କାର ମହାରାଷ୍ଟ୍ରରୁ ରାଞ୍ଚି ଯାଉଥିଲା ବୋଲି ସୂଚନା ମିଳିଛି।
ସମ୍ବଲପୁର-ରାଉରକେଲା ୧୦ ନମ୍ବର ରାଜ୍ୟରାଜପଥର ରେଙ୍ଗାଲିରେ ଆଜି ଅବକାରୀ ବିଭାଗ ପାଟ୍ରୋଲିଂ ସମୟରେ ଏକ ଗାଡିକୁ ଅଟକାଇ ଯାଞ୍ଚ କଲାବେଳେ ସେଥିରୁ ବିପୁଳ ପରିମାଣର ରୁପା ଅଳଙ୍କାର ଚାଲାଣ ହେଉଥିବାର ଦେଖିବାକୁ ମିଳିଥିଲା। ଅବକାରୀ ଇନ୍ସପେକ୍ଟର ସ୍ମୃତିରେଖା ମହାନ୍ତି ଗାଡିକୁ ଅଟକ ରଖି ସି.ଟି ଜି.ଏସ୍.ଟି ବିଭାଗ ଅଧିକାରୀଙ୍କୁ ସୂଚନା ଦେଇଥିଲେ। ସି.ଟି ଜି ଏସ୍ ଟି ବିଭାଗ ଅଧିକାରୀ ସଦଳବଳେ ଘଟଣାସ୍ଥଳକୁ ପହଞ୍ଚି ରୁପା ଅଳଙ୍କାରର ଆନୁସଙ୍ଗିକ କାଗଜ ଚାଲାଣକାରୀଙ୍କୁ ମାଗିଥିଲେ। କିନ୍ତୁ କୌଣସି କାଗଜ ସେମାନଙ୍କ ପାଖରେ ନଥିଲା। ଫଳରେ ସିଟିଜିଏସଟି ବିଭାଗ ପକ୍ଷରୁ ଅଳଙ୍କାର ସହ ଚୋରା ଚାଲାଣ ହେଉଥିବା ଗାଡିକୁ ଜବତ କରାଯାଇ ଏଥିରେ ସଂପୃକ୍ତ ଥିବା ୩ ଅଭିଯୁକ୍ତଙ୍କୁ ଅଟକ ରଖି ତଦନ୍ତ ଜାରି ରଖିଥିବାର ଜଣାପଡିଛି।
ବଢିଲା ସୁରକ୍ଷା ବ୍ୟବସ୍ଥା; ସଲମାନ୍ ଖାନ୍ଙ୍କୁ ୱାଇ ପ୍ଲସ୍ ସିକ୍ୟୁରିଟି
