ଆଠଗଡ: ଆଠଗଡ ବନଖଣ୍ଡ କାର୍ଯ୍ୟାଳୟ ମଧ୍ଯରୁ ଗୁରୁବାର ସନ୍ଧ୍ୟାରେ ଏକ ୬ ଫୁଟ ଲମ୍ବର ନାଗ ସାପ ଉଦ୍ଧାର କରାଯାଇଥିବା ଜଣାପଡିଛି। ଗୁରୁବାର ଦଶହରା ପାଇଁ କାର୍ଯ୍ୟାଳୟ ଛୁଟି ହୋଇଯାଇଥିବାରୁ କାହାର କିଛି କ୍ଷତି ହୋଇନି। ସନ୍ଧ୍ୟାରେ କାର୍ଯ୍ୟାଳୟରେ ଏସିଏଫ ଡାକ୍ତର ଚିଚିଲିଚି ବିଶ୍ବାଳଙ୍କ କକ୍ଷ ଆଡକ୍ମୁ ଏକ ନାଗ ସାପ ଯାଉଥିବା ଦେଖି ରାତ୍ରି ଜଗୁଆଳ ରେଞ୍ଜରଙ୍କୁ ଜଣାଇଥିଲେ। ରେଞ୍ଜର ରବିନ୍ଦ୍ର କୁମାର ନାୟକଙ୍କଠାରୁ ସୂଚନା ପାଇ ଅଭିଜ୍ଞ ସାପ ଧରାଳି ତଥା ସ୍ନେକ ହେଲ୍ପଲାଇନ ସଦସ୍ୟ ସୁଶାନ୍ତ କୁମାର ପାତ୍ର ତୁରନ୍ତ ବନ ବିଭାଗ କାର୍ଯ୍ୟାଳୟରେ ପହଞ୍ଚି ସାପଟିକୁ ଉଦ୍ଧାର କରିଥିଲେ। ପରେ ସେ ଉକ୍ତ ନାଗ ସାପକୁ ନିକଟସ୍ଥ ବୌଦା-ବନଖଣ୍ଡି ସଂରକ୍ଷିତ ଜଙ୍ଗଲରେ ସୁରକ୍ଷିତ ଭାବେ ଛାଡି ଦେଇଥିଲେ।
Comments are closed.