ସମାଜ ଡିଜିଟାଲ ଡେସ୍କ: ଶାରଦୀୟ ଦୁର୍ଗାପୂଜାର ଆଜି ହେଉଛି ସପ୍ତମ ଦିନ। ଆଜି ଦେବୀ ଦୁର୍ଗାଙ୍କୁ କାଳରାତ୍ରୀ ବେଶରେ ପୂଜା କରାଯାଏ। ଦେବୀଙ୍କର ଏହି ରୂପ ଭୟଙ୍କର ଅଟେ। ବିଶ୍ୱାସ ରହିଛି ଯେ ଦେବୀଙ୍କ କାଳରାତ୍ରୀ ରୂପକୁ ଦର୍ଶନ ଓ ପୂଜା କରିବା ଦ୍ୱାରା ଜୀବନରେ ଭୟ, ରୋଗ ଓ ଶତ୍ରୁଙ୍କ ନାଶ ହୋଇଥାଏ। ମହାକାଳୀ, ଭଦ୍ରକାଳୀ, ଚାମୁଣ୍ଡା, ଚଣ୍ଡୀ, ଭୈରବୀ ଭଳି ବିନାଶକାରୀ ରୂପମାନଙ୍କ ମଧ୍ୟରୁ ଦେବୀ କାଳରାତ୍ରୀ ଅନ୍ୟତମ ବୋଲି ବିବେଚନା କରାଯାଏ। ପୁରାଣ ଅନୁସାରେ ମାତା କାଳରାତ୍ରୀଙ୍କ ଶରୀରର ରଙ୍ଗ ଅତ୍ୟନ୍ତ କଳା ହୋଇଥାଏ। କେଶ ବିଚ୍ଛିନ୍ନ ଏବଂ ବେକରେ ଉଜ୍ଜ୍ୱଳ ନାରମୁଣ୍ଡର ମାଳା ରହିଛି। ଏହାସହିତ ଦେବୀଙ୍କ ୪ଟି ହାତ ଓ ୩ଟି ଆଖି ରହିଛି। ଗୋଟିଏ ହାତରେ ବରମୁଦ୍ରାରେ ଓ ଅନ୍ୟଟି ଅଭୟମୁଦ୍ରାରେ ରହିଛି। ଏହାବ୍ୟତୀତ ଗୋଟିଏ ହାତରେ ଖଣ୍ଡା ଓ ଖଡଗା ରହିଥାଏ। ଦେବୀଙ୍କର ଏହି ରୂପ ଶତ୍ରୁମାନଙ୍କ ପାଇଁ ବିନାଶକାରୀ ଅଟେ।
କାଳରାତ୍ରୀ ବେଶରେ ମାଙ୍କୁ ପୂଜା କରିବା ବେଳେ ମିଠା ଅର୍ପଣ କରନ୍ତୁ। ଏହାସହିତ ପାନ ପତ୍ରରେ ମିଶିରି ଓ ଲହୁଣି ଦେଇ ଅର୍ପଣ କରନ୍ତୁ। ଏହାଦ୍ୱାରା ଦେବୀ ପ୍ରସନ୍ନ ହେବେ। ପୂଜା କରିବା ବେଳେ ‘ୟା ଦେବୀ ସର୍ବଭୁତେଷୁ ମା କାଳରାତ୍ରୀ ରୂପେଣ ସଂସ୍ଥିତା, ନମସ୍ତସ୍ୟା, ନମସ୍ତସ୍ୟା, ନମସ୍ତସ୍ୟା, ନମୋଃ ନମାଃ’ ମନ୍ତ୍ର ଜପ କରନ୍ତୁ।
Comments are closed.