କଟକ: ରଣଜୀ ଟ୍ରଫି ପାଇଁ ତ୍ରିପୁରା ଗସ୍ତ କଲା ୧୭ ଜଣିଆ ଓଡ଼ିଶା ଟିମ୍। ଚଳିତ ମାସ ୧୧ ତାରିଖରୁ ରଣଜୀ ଅଭିଯାନ ଆରମ୍ଭ କରିବ ଓଡ଼ିଶା। ପ୍ରଥମ ମ୍ୟାଚ୍ ପାଇଁ ସୋମବାର ଟିମ୍ ତ୍ରିପୁରା ଗସ୍ତ କରିଛି। ବିସିସିଆଇ ଘରୋଇ ସିଜିନର ପ୍ରମୁଖ ପ୍ରତିଯୋଗିତା ରଣଜୀ ଟ୍ରଫି ୨୦୨୪-୨୫ ଓଡ଼ିଶା ଦଳ କିଛି ଦିନ ପୂର୍ବେ ଗଠନ ହୋଇଥିଲା। ଗୋବିନ୍ଦ ପୋଦାରଙ୍କୁ ଅଧିନାୟକ ଭାର ପ୍ରଦାନ କରିଥିଲା ଓସିଏ। ଏହି ଟିମ୍ରେ ଶାନ୍ତନୁ ମିଶ୍ର, ଅନୁରାଗ ଷଡ଼ଙ୍ଗୀ, ବିପ୍ଳବ ସାମନ୍ତରାୟ, କାର୍ତ୍ତିକ ବିଶ୍ୱାଳ, ସ୍ୱସ୍ତିକ ସାମଲ ଭଳି ଦକ୍ଷ ଖେଳାଳିଙ୍କୁ ଚୟନ କରିଛି ଚୟନ କମିଟି।
ସେହିପରି ନୂଆ ମୁହଁ ହିସାବରେ ଅନୀଲ ପରିଡ଼ା ଓ ସୁମିତ ଶର୍ମାଙ୍କୁ ଓଡ଼ିଶା ଟିମ୍ରେ ନଜର ଆସିବେ। ସେହିପରି ଦୁଇ ୱିକେଟ କିପର ବ୍ୟାଟର ଆଶୀର୍ବାଦ ସ୍ୱାଇଁ, ରାଜେଶ ଧୂପର ମଧ୍ୟ ଟିମ୍ରେ ରହିଛନ୍ତି। ବୋଲିଂ ଲାଇନ ଅପ୍ରେ ସୂର୍ଯ୍ୟକାନ୍ତ ପ୍ରଧାନ, ସୁନୀଲ ରାଉଳ, ରାଜେଶ ମହାନ୍ତି, ଦେବବ୍ରତ ପ୍ରଧାନ, ହର୍ଷିତ ରାଥୋଡ଼ ଟିମ୍ରେ ରହିଛନ୍ତି। ରଣଜୀ ସିଜିନରେ ଓଡ଼ିଶା ମୋଟ୍ ୭ଟି ମ୍ୟାଚ୍ ଖେଳିବ। ପ୍ରଥମ ମ୍ୟାଚ୍ ତ୍ରିପୁରା ବିପକ୍ଷରେ ଖେଳିବ ଟିମ୍ ଓଡ଼ିଶା। ପରେପରେ ଜାମୁ କାଶ୍ମୀର, ବରୋଦା, ମୁମ୍ବାଇ, ମହାରାଷ୍ଟ୍ର, ମେଘାଳୟକୁ ଭେଟିବ ଓଡ଼ିଶା ଟିମ୍।
Comments are closed.