ଲକ୍ଷ୍ନୌ: ଉତ୍ତର ପ୍ରଦେଶର ଆମରୋହା ଜିଲା ଅନ୍ତର୍ଗତ ଗଜରାଉଲା ଗ୍ରାମ ନିବାସୀ ରାମ ସିଂହ ବୌଧ ନାମକ ଜଣେ ବ୍ୟକ୍ତି ବିଭିନ୍ନ ଡିଜାଇନ ଓ ଆକାରର ୧୨୫୭ ରେଡିଓ ରଖି ବିଶ୍ବ ରେକର୍ଡ ସୃଷ୍ଟି କରିଛନ୍ତି। ଏଥିପାଇଁ ତାଙ୍କ ନାମ ଗିନିଜ ବୁକ୍ ଅଫ୍ ୱାର୍ଲ୍ଡ ରେକର୍ଡ୍ସରେ ସ୍ଥାନ ପାଇଛି। ଏଥିଯୋଗୁଁ ରାମ ସିଂହଙ୍କୁ ‘ରେଡିଓ ମ୍ୟାନ୍’ ଆଖ୍ୟା ଦିଆଯାଇଛି। ରାମ ସିଂହ ୧୯୨୦ରୁ ୨୦୧୦ ମସିହା ମଧ୍ୟରେ ନିର୍ମିତ ରେଡିଓକୁ ସାଇତି ରଖିଛନ୍ତି। ଦେଶର ବିଭିନ୍ନ ସହର ବୁଲି ସେଠାକାର ମାର୍କେଟରୁ ସେ ଏହି ରେଡିଓ କିଣିଥିବା ରାମ ସିଂହ କହିଛନ୍ତି। କୌଣସି ରେଡିଓର ଆକାର ଓ ଡିଜାଇନ ଅନ୍ୟ ରେଡିଓ ସହ ମେଳ ଖାଉନାହିଁ। ପୂର୍ବରୁ ଏହି ରେକର୍ଡ ଏମ.ପ୍ରକାଶଙ୍କ ନାମରେ ଲିପିବଦ୍ଧ ରହିଥିଲା। ଏମ.ପ୍ରକାଶ ନିଜ ପାଖରେ ବିଭିନ୍ନ ଡିଜାଇନର ୬୨୫ଟି ରେଡିଓ ରଖିଥିଲେ। ଟିଭି, ମୋବାଇଲର ଉଦ୍ଭାବନ ପୂର୍ବରୁ ରେଡିଓ ହିଁ ମଣିଷଙ୍କ ପାଇଁ ମନୋରଞ୍ଜନର ଏକମାତ୍ର ମାଧ୍ୟମ ରହିଥିଲା। ରାମ ସିଂହଙ୍କ ଦ୍ବାରା ସ୍ଥାପିତ ଏହି ରେଡିଓ ସଂଗ୍ରହାଳୟ ବିଶ୍ବରେ ଏକମାତ୍ର ବୋଲି ସେ ଦାବି କରିଛନ୍ତି।
Comments are closed.