ଭୋପାଳ : ମଧ୍ୟ ପ୍ରଦେଶର ଗୁନାରେ ଏକ କୁକୁର ପ୍ରତି ଅକଥନୀୟ ଅତ୍ୟାଚାର ମାମଲା ସାମ୍ନାକୁ ଆସିଛି । ପପୁ ନାମକ ଜଣେ ଯୁବକ ଏକ କୁକୁରକୁ ପ୍ରଥମେ ବାଡିରେ ବାଡେଇବା ସହ ଗୋଡ ବାନ୍ଧି ବାଇକରେ ରାସ୍ତା ସାରା ଘୋଷାଡିଛି । ଏହି ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି ।
- Advertisement -
ଘଟଣା ସିଟି ଥାନା ଅନ୍ତର୍ଗତ ନୟାପୁରାର । ଭିଡିଓଟି ୭ ଦିନ ପୁରୁଣା ବୋଲି କୁହାଯାଉଛି । ଯୁବକଙ୍କ କୁନି ଝିଅକୁ କୁକୁରଟି କାମୁଡି ଦେଇଥିଲା । ଏହାର ପ୍ରତିଶୋଧ ନେବା ପାଇଁ ସେ କୁକୁରକୁ ପିଟିବା ସହ ବାଇକରେ ଘୋଷାଡି ଘୋଷାଡି ରାସ୍ତାରେ ବୁଲାଇଥିଲେ । ଶେଷରେ ତା ମୁଣ୍ଡକୁ ପିଟି ପିଟି ଜଳନ୍ତା ଅଙ୍ଗାର ଭିତରକୁ ଫୋପାଡି ଦେଇଥିଲା । ଏହି ଘଟଣା ସାମ୍ନାକୁ ଆସିବା ପରେ ପଶୁପ୍ରେମୀମାନେ ସେହି ବ୍ୟକ୍ତି ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି ।
