ଲେବନାନ୍ : ଇସ୍ରାଏଲ ଗତ ୫ ଦିନ ଧରି ଲେବନାନର ରାଜଧାନୀ ବେରୁତ, ଉତ୍ତର ଦକ୍ଷିଣ ଭାଗରେ ମିଲିସିଆ ଗ୍ରୁପ ହିଜ୍ବୁଲ୍ଲାହରେ ଅନେକ ସ୍ଥାନକୁ ଟାର୍ଗେଟ୍ କରୁଛି । ଇସ୍ରାଏଲର ଏୟାର ଷ୍ଟ୍ରାଇକରେ ଏପର୍ଯ୍ୟନ୍ତ ୬୦୦ରୁ ଅଧିକ ଲୋକଙ୍କ ଜୀବନ ଗଲାଣି । ସାମାଜିକ ଗଣମାଧ୍ୟମରେ ଏବେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଲେବନାନର ଏକ ଭୟଙ୍କର ଦୃଶ୍ୟ ନଜର ଆସୁଛି । ଲେବନାନରେ ଇସ୍ରାଏଲର ମିସାଇଲ ଆକ୍ରମଣରେ ଜଣେ ଜଣାଶୁଣା ସାମ୍ବାଦିକ ଆହତ ହୋଇଛନ୍ତି । ଲେବନାନର ସାମ୍ବାଦିକ ଫାଦି ବୁଦାୟା ଏକ ସାକ୍ଷାତକାରର ସିଧାପ୍ରସାରଣ କରୁଥିବା ସମୟରେ ତାଙ୍କ ଘର ଉପରେ ମିସାଇଲ ଖସିଥିଲା ।
WINDOWS AND WALLS SHATTER AND COLLAPSE ON A JOURNALIST, NEARLY KILLING HIM
Fadi Boudia,editor of the Maraya International News Network,nearly dies live as IDF missiles attack his home in Beqaa,eastern 🇱🇧,just as he begins a Skype interview for a live program in the video above. pic.twitter.com/ucJls46IGC
— Malcolm X (@malcolmx653459) September 23, 2024
ଏହାର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଭିଡିଓରେ ଲେବନାନ ସାମ୍ବାଦିକ ତଥା ମିରାୟା ଅନ୍ତର୍ଜାତୀୟ ନେଟଓ୍ବର୍କ ମୁଖ୍ୟ ସମ୍ପାଦକ ଫାଦି ବୁଦାୟାଙ୍କୁ ସାକ୍ଷାତକାରର ସିଧାପ୍ରସାରଣ କରୁଥିବା ଦେଖିବାକୁ ମିଳୁଛି । ଆଲୋଚନା ମଧ୍ୟରେ ବିସ୍ଫୋରଣ ହେଉଛି ଏବଂ ବୁଦାୟା ନିଜ ନିୟନ୍ତ୍ରଣ ହରାଇ ଦେଉଛନ୍ତି । ଭିଡିଓରେ ତାଙ୍କୁ କ୍ୟାମେରା ସାମ୍ନାରେ ପଡିଯାଉଥିବା ଦେଖିବାକୁ ମିଳୁଛି । ପରେ ସାମାଜିକ ଗଣମାଧ୍ୟମରେ ବୁଦାୟା ସୁସ୍ଥ ଥିବା ଜଣାଇବା ସହ ସମସ୍ତଙ୍କୁ ତାଙ୍କ ସ୍ବାସ୍ଥ୍ୟାବସ୍ଥା ପାଇଁ ଚିନ୍ତିତ ଥିବାରୁ ଧନ୍ୟବାଦ ଜଣାଇଛନ୍ତି ।
