ନର୍ଲା: ସାରା ରାଜ୍ୟରେ ପଞ୍ଚାୟତସ୍ତରରେ କାର୍ଯ୍ୟ କରୁଥିବା କାମ୍ୟୁନିଟି ସପୋର୍ଟ ଷ୍ଟାଫମାନେ ନିଜ ନିଜ ବ୍ଲକ ଅଫିସରେ ବିଭିନ୍ନ ଦାବିକୁ ନେଇ ବିଡିଓଙ୍କୁ ଦାବିପତ୍ର ପ୍ରଦାନ କରୁଥିବାବେଳେ ବୁଧବାର କଳାହାଣ୍ଡି ଜିଲା ନର୍ଲା ବ୍ଲକର ବିଭିନ୍ନ ପଞ୍ଚାୟତରେ କାମ କରୁଥିବା ମିଶନ ଶକ୍ତିର ମହିଳାମାନେ ମଧ୍ୟ ନର୍ଲା ବ୍ଲକ ଅଫିସ ସମ୍ମୁଖରେ ଧାରଣା ଦେଇଛନ୍ତି। ଏହାସହ ବିଡିଓଙ୍କୁ ଦାବିପତ୍ର ପ୍ରଦାନ କରିଛନ୍ତି। ପୂର୍ବତନ ବିଜେଡି ସରକାର ଅମଳରୁ ମିଶନ ଶକ୍ତି ଜିପିଏଲଏଫ ସଂଘ ବିଭିନ୍ନ ଦାବି କରି ଆସୁଥିଲା, ତାହା ଆଦ୍ୟବଧି ପୂରଣ ହୋଇନାହିଁ। ଦୀର୍ଘ ୬ ମାସ ହେବ ପରିଶ୍ରମିକ ମିଳୁନଥିବାରୁ ଅନିର୍ଦିଷ୍ଟ କାଳ ପାଇଁ କଲମ ଛାଡ଼ ଆନ୍ଦୋଳନ କରିବେ ବୋଲି ଚେତାବନୀ ଦେଇଛି ସଂଘ। ନର୍ଲା ବ୍ଲକର ୨୬ଗୋଟି ଗ୍ରାମପଞ୍ଚାୟତରୁ ଆସିଥିବା ୨୧୪ ସିଆରପିସିଏମ, ୯ ଜଣ ବ୍ୟାଙ୍କ ମିତ୍ର, ୨୬ ଏମବିକେ ଉପସ୍ଥିତ ରହି ବିଡିଓଙ୍କୁ ଦାବିପତ୍ର ପ୍ରଦାନ କରିଛନ୍ତି।
Popular Categories
Previous article
Next article