ତେଲଆବିଭ୍: ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କୁ ହତ୍ୟା ଷଡଯନ୍ତ୍ର କରିବା ଅଭିଯୋଗରେ ଦେଶର ଜଣେ ନାଗରିକଙ୍କୁ ଗିରଫ କରାଯାଇଛି। ଇସ୍ରାଏଲ ପୁଲିସ ଓ ଆଭ୍ୟନ୍ତରୀଣ ଗୁଇନ୍ଦା ଏଜେନ୍ସି ‘ସିନ୍ ବେଟ୍’ର କହିବା ଅନୁଯାୟୀ ଦେଶର ଜଣେ ନାଗରିକ ଇରାନର ସହଯୋଗରେ ଇସ୍ରାଏଲର କିଛି ଉଚ୍ଚ ପଦାଧିକାରୀ ଓ ପ୍ରଧାନମନ୍ତ୍ରୀ ନେତାନ୍ୟାହୁଙ୍କୁ ହତ୍ୟା ଲାଗି ଷଡଯନ୍ତ୍ର ଚଳାଇଥିଲେ। ନିଜର ଷଡଯନ୍ତ୍ରକୁ କାର୍ଯ୍ୟକାରୀ କରିବା ଲାଗି ଅଭିଯୁକ୍ତ ଜଣଙ୍କ ଗୁପ୍ତରେ ଦୁଇଥର ଇରାନ ଗସ୍ତ କରିଥିଲେ। ଏହି ଅଭିଯାନ ଲାଗି ସେ ଇରାନର ଗୁଇନ୍ଦା ଏଜେନ୍ସି ଠାରୁ ବିପୁଳ ଅର୍ଥ ମଧ୍ୟ ପାଇଥିଲେ। ଗିରଫ ନାଗରିକ ଜଣଙ୍କ ନିଜକୁ ଜଣେ ବ୍ୟବସାୟୀ ବୋଲି ପରିଚୟ ଦେଇଛି। ସେ ଜଣେ ଇହୁଦି ହୋଇଥିବାବେଳେ ଆସକେଲୋନ ସହରରେ ବାସ କରେ। ସିନ୍ ବେଟ୍ର ମୁଖ୍ୟ ରୋନେନ ବାର୍ କହିଛନ୍ତି ଯେ ଇସ୍ରାଏଲ ନାଗରିକଙ୍କୁ ଆତଙ୍କବାଦୀ କାର୍ଯ୍ୟକଳାପରେ ସାମିଲ କରିବା ଲାଗି ମଧ୍ୟ ଇରାନ ଗୁଇନ୍ଦା ଷଡଯନ୍ତ୍ର ଚଳାଇଛି।
Comments are closed.