ସମାଜ ଡିଜିଟାଲ ଡେସ୍କ: ଆମେରିକୀୟ ମହାକାଶ ଗବେଷଣା ସଂସ୍ଥା ନାସା ପକ୍ଷରୁ ଅନେକ ସମୟରେ ବ୍ରହ୍ମାଣ୍ଡର ବିଭିନ୍ନ ଫଟୋ ଜାରି କରାଯାଇଥାଏ। ଏହି ଫଟୋଗୁଡ଼ିକ ଜରିଆରେ ଲୋକମାନେ ବ୍ରହ୍ମାଣ୍ଡ ବିଷୟରେ କିଛି ନା କିଛି ଜାଣିବାକୁ ସୁଯୋଗ ପାଇଥାଆନ୍ତି। ଅନେକ ସମୟରେ ଏହି ଫଟୋ ବେଶ୍ ସୁନ୍ଦର ହୋଇଥାଏ। ବାରମ୍ବାର ଦେଖିବାକୁ ଇଚ୍ଛା ହୁଏ। ବର୍ତ୍ତମାନ ନାସା ପକ୍ଷରୁ ଆଉ ଏକ ଫଟୋ ଜାରି କରାଯାଇଛି। ସାମାଜିକ ଗଣମାଧ୍ୟମରେ ନାସା ରେଡ୍ ସ୍ପାଇଡର ନେବୁଲା(ଧୂଳି ଏବଂ ବାଷ୍ପର ଏକ ବଡ଼ ବାଦଲ, ଯାହା ମହାକାଶରେ ତାରାମାନଙ୍କ ମଧ୍ୟରେ ଭାସମାନ ଅବସ୍ଥାରେ ରହିଥାଏ)ର ଫଟୋ ଶେୟାର କରିଛି।
View this post on Instagram
ରେଡ୍ ସ୍ପାଇଡର ନେବୁଲାର ଏହି ଫଟୋ ବେଶ୍ ଆକର୍ଷଣୀୟ ହୋଇଛି। ଏହି ନେବୁଲା ପୃଥିବୀଠାରୁ ୩୦୦୦ ଆଲୋକବର୍ଷ ଦୂରରେ ରହିଛି। ଏହା ସବୁଠୁ ଗରମ ତାରାମାନଙ୍କ ମଧ୍ୟରୁ ଗୋଟିଏ। ଏହି ଫଟୋ ଲୋକମାନଙ୍କୁ ବହୁତ ପସନ୍ଦ ଆସିଛି। ଏହାକୁ ୬ ଲକ୍ଷରୁ ଅଧିକ ଲୋକ ଦେଖିସାରିଛନ୍ତି।
Comments are closed.