ସମାଜ ଡିଜିଟାଲ ଡେସ୍କ: କଲକାତା ଦୁଷ୍କର୍ମ ଓ ହତ୍ୟା ମାମଲା ପ୍ରତିବାଦରେ ପଶ୍ଚିମବଙ୍ଗରେ ବୁଧବାର ବିଜେପି ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ କରାଯାଉଛି। ତେବେ ଏହି ବନ୍ଦ ପାଳନ ସମୟରେ ଜଣେ ବିଜେପି ନେତା ପ୍ରିୟାଙ୍ଗୁ ପାଣ୍ଡେଙ୍କ କାର୍ ଉପରକୁ ଦୁର୍ବୃତ୍ତମାନେ ଗୁଳି ଏବଂ ବୋମାମାଡ଼ କରିଛନ୍ତି। ତେବେ ଟିଏମସି ଗୁଣ୍ଡାମାନେ ଏହି ଆକ୍ରମଣ କରିଥିବା ବିଜେପି ନେତା ପାଣ୍ଡେ କହିଛନ୍ତି। ଏହି ଘଟଣାରେ ଡ୍ରାଇଭର ଗୁରୁତର ଆହତ ହୋଇଛନ୍ତି। ତାଙ୍କ ଶରୀରରେ ଗୁଳି ବାଜିଛି।
TMC goon opening fire on eminent BJP Leader Priyangu Pandey’s vehicle at Bhatpara. The driver of the vehicle is shot.
This is how Mamata Banerjee & TMC are trying to force BJP off the street. The Bandh is successful and people have supported it wholeheartedly. The toxic cocktail… pic.twitter.com/mOGsLnk9jh— Suvendu Adhikari (@SuvenduWB) August 28, 2024
ପାଣ୍ଡେଙ୍କ ଅଭିଯୋଗ ଅନୁସାରେ, ସେ ବୁଧବାର ନିଜ କାରରେ ଅନ୍ୟ ଜଣେ ନେତା ଅର୍ଜୁନ ସିଂହଙ୍କ ବାସଭବନକୁ ଯାଉଥିଲେ। ଉତ୍ତର ୨୪ ପରଗନାର ଭତପଡ଼ା ଅଞ୍ଚଳରେ ୫୦ରୁ ୬୦ ଟିଏମସି କର୍ମୀ ତାଙ୍କ ଗାଡ଼ିକୁ ଅଟକାଇ ପ୍ରଥମେ ଗୁଳିମାଡ଼ ଏବଂ ପରେ ବୋମାମାଡ଼ କରିଥିଲେ। ତାଙ୍କ ଗାଡ଼ି ଉପରକୁ ୬/୭ଟି ବୋମା ଫିଙ୍ଗା ଯାଇଥିଲା। ପୁଲିସ ଏବଂ ଟିଏମସି ମିଳିତ ଭାବେ ଏଭଳି ଷଡ଼ଯନ୍ତ୍ର କରିଥିବା ପାଣ୍ଡେ ଅଭିଯୋଗ କରିଛନ୍ତି। ଆକ୍ରମଣ ପୂର୍ବରୁ ତାଙ୍କ ସୁରକ୍ଷାକର୍ମୀଙ୍କୁ ପ୍ରତ୍ୟାହାର କରିନିଆଯାଇଥିବା ସେ କହିଛନ୍ତି। ବିଜେପି ନେତା ସୁଭେନ୍ଦୁ ଅଧିକାରୀ ଟିଏମସିର ଏପରି କାର୍ଯ୍ୟକୁ ନିନ୍ଦା କରିବା ସହିତ ଶାସକ ଦଳ ବିଜେପିକୁ ରାସ୍ତାକୁ ଓହ୍ଲାଇବାକୁ ବାଧ୍ୟ କରୁଛି ବୋଲି କହିଛନ୍ତି।
