ଜି ଉଦୟଗିରି: ଜି ଉଦୟଗିରି ଥାନା ଅନ୍ତର୍ଗତ କଳିଙ୍ଗାଠାରୁ ତିନି କିମି ଦୂର ବୁଲାଣୀଠାରେ ବେଙ୍ଗାଲୁରୁରୁ ବ୍ରହ୍ମପୁର ଯାଉଥିବା ମାଲବୋଝେଇ ଟ୍ରକ୍ ଆଗ ଚକା ଫାଟିଯିବା ଫଳରେ ଭାରସାମ୍ୟ ହରାଇ ଓଲଟି ପଡ଼ିଛି। ଫଳରେ ଚାଳକ ଓ ହେଲପର ଉଭୟ ଷ୍ଟେରିଙ୍ଗ ଓ ଲୁହାଚଦର ତଳେ ଚାପି ହୋଇ ରହିଯାଇଥିଲେ। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି କଟର ମେସିନରେ କାଟି ଉଭୟଙ୍କୁ ଉଦ୍ଧାର କରିଥଲେ। ସେଥି ମଧ୍ୟରୁ ହେଲପର୍ ଛୋଟୁ(୧୮)ଙ୍କର ଘଟଣାସ୍ଥଳରେ ମୁତ୍ୟୁ ଘଟିଥିବାବେଳେ ଡ୍ରାଇଭର ଅଦନାନ୍(୨୦)ଙ୍କୁ ଗୁରୁତର ଅବସ୍ଥାରେ ଆମ୍ବୁଲାନ୍ସ ଯୋଗେ ପ୍ରଥମେ ଜି.ଉଦୟଗିରି ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା ଓ ପରେ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ଜଣାପଡିଛି। ତେବେ ଉଭୟ ଆନ୍ଧ୍ରର ବୋଲି ଜଣାପଡିଛି। ଜି.ଉଦୟଗିରି ପୁଲିସ ଏସଆଇ ଅନନ୍ତ ପ୍ରଧାନ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଯାଇଥିବା ଓ ଦୁର୍ଘଟଣାର ତଦନ୍ତ ଜାରି ରଖିଥିବା ନେଇ ସୂଚନା ଦେଇଛନ୍ତି। ବାହାର ମାଲବାହୀ ଟ୍ରକ୍ ହେଉ ବା ପର୍ଯ୍ୟଟକ ବସ୍, କଳିଙ୍ଗା ଘାଟି ପାର ହେବା ପୂର୍ବରୁ ଘାଟି ସମ୍ପର୍କରେ ସବିଶେଷ ତଥ୍ୟ ସଂଗ୍ରହ କରି ଯାତ୍ରା କରିବାକୁ ସମାଜସେବୀ ଆମନ୍ ନାୟକ ଅନୁରୋଧ କରିଛନ୍ତି।
Popular Categories
Previous article
Next article