କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ପୁଲିସ ୩ ଅଭିଯୁକ୍ତଙ୍କୁ ଗିରଫ କରିବା ସହିତ ଚୋରି ହୋଇଥିବା ବୋଲେରୋ ଗାଡ଼ି, ବାଇକ୍, ୧୧ଗ୍ୟାସ ସିଲିଣ୍ଡର ଜବତ କରିଛି। ଅଭିଯୁକ୍ତମାନେ ହେଲେ କାଶୀପୁର ବ୍ଲକ ବଡ଼ମାରି ଭଟା ଗ୍ରାମର ଆଶିଷ ନାୟକ ବୟସ(୧୯), ମିନାଖୁଣ୍ଟି ଗ୍ରାମର ହେମନ୍ତ ନାୟକ ଏବଂ ଅନ୍ୟ ଜଣେ ନାବାଳକ ବୋଲି ଜଣାପଡ଼ିଛି। ରବିବାର ପୁଲିସ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଆୟୋଜନ କରାଯାଇ ଏ ସମ୍ପର୍କରେ ସୂଚନା ଦିଆଯାଇଛି।
ବୁଡ଼ାଗୁଡା ପଞ୍ଚାୟତର କୁମ୍ଭାରଗୁରୁତୁଲୀ ଛକରେ ଥିବା ଲାଡି ସନ୍ତୋଷ କୁମାରଙ୍କ ଦୋକାନରେ ଅଗଷ୍ଟ ୭ ତାରିଖ ରାତିରେ ଅଭିଯୁକ୍ତମାନେ ବୋଲେରୋ ଗାଡିରେ ଆସି ଦୋକାନ କବାଟ ଭାଙ୍ଗି ପାଖାପାଖି ୬୯ ହଜାର ଟଙ୍କାର ଜିନିଷପତ୍ର, ଇନଭର୍ଟର ବ୍ୟାଟେରି ଓ ଅନ୍ୟାନ୍ୟ ସାମଗ୍ରୀ ଲୁଟି ନେଇଥିଲେ। ଏ ନେଇ କଲ୍ୟାଣସିଂହପୁର ଥାନାରେ ଅଭିଯୋଗ ହେବା ରେ ପୁଲିସ ବିଭିନ୍ନ ସ୍ଥାନରେ ଚଢ଼ାଉ କରି ଅଭିଯୁକ୍ତମାନଙ୍କୁ ଗିରଫ କରିଛି। ସାମ୍ବାଦିକ ସମ୍ମିଳନୀରେ ଏସଡିପିଓ ରଶ୍ମି ରଞ୍ଜନ ସେନାପତି, ଥାନା ଅଧିକାରୀ ନୀଳକଣ୍ଠ ବେହେରା, ଏସଆଇ ଶିଵ ସାହୁ ଉପସ୍ଥିତ ଥିଲେ।
