ଭବାନୀପାଟଣା: ଗତ ୧୩ ତାରିଖ ରାତିରେ କଳାହାଣ୍ଡି କନ୍ଧମାଳ ସୀମାନ୍ତ ଜଙ୍ଗଲ ରେ ଏସଓଜି ଏବଂ ମାଓବାଦୀ ମୁହାଁମୁହିଁ ହେଇ ଗୁଳିବିନିମୟ ହେଇଥିଲା। ଫଳରେ ମାଓବାଦୀମାନେ ଛତ୍ରଭଙ୍ଗ ଦେଇ ଜଙ୍ଗଲ ମଧ୍ୟକୁ ପଳାଇ ଯାଇଥିବା ଆଜି କଳାହାଣ୍ଡି ଏସପି ଅଭିଳାଷ ଜି ଏକ ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି। ଘଟଣା ସ୍ଥଳରୁ ବ୍ୟାପକ ମାଓ ସାମଗ୍ରୀ ପୋଲିସ ଜବତ କରିଛି।
ଏସପିଙ୍କ ସୂଚନା ଅନୁଯାୟୀ ମଦନପୁର ରାମପୁର ଥାନା ଅନ୍ତର୍ଗତ ପୁଟ୍ରିମହୁଲ ଜଙ୍ଗଲରେ ଏସଓଜି ଯବାନ ଏବଂ ମାଓବାଦୀ ମୁହାମୁହିଁ ହେଇ ଗୁଳି ବିନିମୟ ହେଇଥିଲା। ଫଳରେ ଘଞ୍ଚ ଜଙ୍ଗଲ ର ସୁଯୋଗ ନେଇ ୧୦ ରୁ ୧୨ ଜଣିଆ ମାଓବାଦୀ ଦଳ ଛତ୍ରଭଙ୍ଗ ଦେଇଥିଲେ। ପରେ କୁମ୍ବିଂ ସମୟରେ ସେଠାରେ ଥିବା ମାଓ କ୍ୟାମ୍ପରୁ ୧୦ ଟି ଡେଟନେଟର ସମେତ ଅନେକ ମାଓ ସାମଗ୍ରୀ ଜବତ ହେଇଥିବା ଏସପି ଆଜି ଅପରାହ୍ନରେ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
