ସମ୍ବଲପୁର: ରବିବାର ଲାଇଫ ଇଣ୍ଡିଆ ଫାଉଣ୍ଡେସନ ତରଫରୁ ଚାଲୁଥିବା ‘ସୁସ୍ଥ ଓ ସ୍ୱଚ୍ଛ ସମ୍ବଲପୁର’ପ୍ରକଳ୍ପ ଅନ୍ତର୍ଗତ ଏକ ସଚେତନତା ଶିବିର ତମଲାପଡା ଠାରେ ଆୟୋଜିତ ହୋଇଯାଇଛି । ସଙ୍ଗଠନର ସଦସ୍ୟା ପ୍ରତିମା ଶର୍ମା, ସନ୍ଧ୍ୟା ଶ୍ରୀବାସ୍ତବ ଏବଂ ଆଶା ଦିଦି ଋକ୍ମଣୀ ଶର୍ମା ଡେଙ୍ଗୁ, ମ୍ୟାଲେରିଆ, ଫାଇଲେରିଆ ଆଦି ରୋଗର କାରଣ ଓ ନିରାକରଣ ଉପରେ ସମସ୍ତଙ୍କୁ ସଚେତନ କରିବା ସହିତ ଓଆରଏସର ପ୍ରକାର, ବ୍ୟବହାର ଓ ଘରେ ତିଆରି କରିବାର ତାଲିମ ମଧ୍ୟ ଦେଇଥିଲେ । ଶେଷରେ ଉପସ୍ଥିତ ଶିଶୁ ଓ ବାଳିକାମାନଙ୍କୁ ‘ଗୁଡ୍ ଟଚ୍ ଓ ବ୍ୟାଡ୍ ଟଚ୍’ ମଧ୍ୟରେ ଥିବା ପାର୍ଥ୍ୟକ ଏବଂ ପରବର୍ତ୍ତୀ ପଦକ୍ଷେପ ପାଇଁ ମଧ୍ୟ ସଚେତନ କରିଥିଲେ । ଲାଇଫ ଇଣ୍ଡିଆ ଫାଉଣ୍ଡେସନ ଅଧ୍ୟକ୍ଷ ସ୍ୱାଗତ କୁମାର ଘଡେଇ ଆଗାମୀ ଦିନରେ ଏହି ସଚେତନତା କାର୍ଯ୍ୟକ୍ରମକୁ ଆହୁରି ଆଗକୁ ନିଆଯିବା ସହିତ ଗାଁକୁ ଗାଁ ଯାଇ ମଧ୍ୟ ସ୍ୱେଚ୍ଛାସେବୀମାନେ ସଚେତନ କରାଇବେ ବୋଲି କହିଥିଲେ । କାର୍ଯ୍ୟକ୍ରମ ଆୟୋଜନ ଓ ପରିଚାଳନାରେ ଉପସଭାପତି ସିଦ୍ଧାର୍ଥ ମହାପାତ୍ର, ସମ୍ପାଦକ ଶମ୍ଭୁ କୁଷ୍ଠାଙ୍କ ସମେତ ସମସ୍ତ ସଦସ୍ୟ ଓ ସଦସ୍ୟାମାନେ ସକ୍ରିୟ ସହାୟତା କରିଥିଲେ।
Comments are closed.