ଫୁଲବାଣୀ: କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ସରାମୁଳି ପଞ୍ଚାୟତ ସିଞ୍ଜାକୁଟି ଗ୍ରାମର ବିଭିନ୍ନ ସମସ୍ୟା ନେଇ ଗ୍ରାମବାସୀ ଗୁରୁବାର କନ୍ଧମାଳ ଜିଲାପାଳ ଆଶିଷ ଈଶ୍ୱର ପାଟିଲଙ୍କୁ କାର୍ଯ୍ୟାଳୟରେ ସାକ୍ଷାତ କରି ଦାବିପତ୍ର ପ୍ରଦାନ କରିଛନ୍ତି। ମୁଖ୍ୟତଃ ଗାଁକୁ ପକ୍କା ରାସ୍ତା ନଥିବାରୁ ଯିବା ଆସିବାରେ ସମସ୍ୟା ନେଇ ତର୍ଗାବାଲିଠାରୁ ସିଞ୍ଜାକୁଟି ଦେଇ ମାରଦିପଙ୍କାକୁ ରାସ୍ତା ସଂଯୋଗ କରିବା, ୨୦୨୦ ମସିହାରୁ ଗ୍ରାମବାସୀମାନେ ଗାଁକୁ ରାଜସ୍ୱ ଗ୍ରାମର ମାନ୍ୟତା ପ୍ରଦାନ କରିବା ପାଇଁ ଦାବି ପୂରଣ ହୋଇନାହିଁ, ତେଣୁ ଗାଁକୁ ରାଜସ୍ୱ ଗ୍ରାମ ମାନ୍ୟତା ଦେବା ଓ ଗାଁରେ ମୋବାଇଲ ଟାୱାର ସ୍ଥାପନ କରି ନେଟୱର୍କ ସେବା ପ୍ରଦାନ କରିବା ଦାବିପତ୍ରରେ ଉଲ୍ଲେଖ ରହିଛି। ଜିଲାପାଳ ଶ୍ରୀ ପାଟିଲ ଦାବିପତ୍ର ଗ୍ରହଣ କରି ମନରେଗା ଯୋଜନାରେ ରାସ୍ତା ନିର୍ମାଣ କାର୍ଯ୍ୟ କରାଯିବ, ନିର୍ବାଚନ ଯୋଗୁଁ କାର୍ଯ୍ୟ ଅନୁମୋଦନ ହୋଇ ପାରୁନଥିଲା, ଖୁବଶୀଘ୍ର ରାସ୍ତା ନିର୍ମାଣ ଆରମ୍ଭ ହେବ ଓ ଅନ୍ୟାନ୍ୟ ସମସ୍ୟା ସେ ବିଭାଗୀୟ ଅଧିକାରୀଙ୍କ ସହିତ ଆଲୋଚନା କରି ସମାଧାନ କରିବାକୁ ଚେଷ୍ଟା କରିବେ ବୋଲି କହିଛନ୍ତି। ଦାବିପତ୍ର ପ୍ରଦାନ ସମୟରେ ସିଞ୍ଜାକୁଟି ଗ୍ରାମର ସାହୁପାଟ ମାଝୀ, ରମାକାନ୍ତ ମଲିକ, ତ୍ରିନାଥ ମଲ୍ଲିକ, ଦିଲୀପ ମଲ୍ଲିକ, ନିରଞ୍ଜନ ମଲ୍ଲିକ, ରନାଲ ମଲ୍ଲିକ, ପ୍ରେମିକ ମଲ୍ଲିକ, ବିରେନ୍ଦ୍ର ମଲ୍ଲିକ, ରବୀନ୍ଦ୍ର ମଲ୍ଲିକ, ଭୀମ ମଲ୍ଲିକ ଓ ବିଶ୍ୱନାଥ ପାଟମାଝୀ ପ୍ରମୁଖ ଉପସ୍ଥିତ ରହିଥିଲେ।
Popular Categories
Previous article
Next article