ଦେଓଗାଁ: ବିଦ୍ୟାଳୟରେ ଦଣ୍ଡ ମୁକ୍ତ କରିଛନ୍ତି ସରକାର। ହେଲେ ଜଣେ ଶିକ୍ଷକଙ୍କ ଡ଼ଷ୍ଟର ମାଡ଼ରେ ଜଣେ ଛାତ୍ରର ମୁଣ୍ଡ ଫାଟିଥିବାର ଜଣାପଡିଛି। ଏନେଇ ମୁଣ୍ଡ ଫାଟିଥିବା ଛାତ୍ରର ବାପା ଶିକ୍ଷା ବିଭାଗ ଠାରେ ଗୁହାରୀ କରିବା ପରେ ପୁଲିସ ନିକଟରେ ଅଭିଯୋଗ କରିବେ ବୋଲି ସୂଚନା ଦେଇଛନ୍ତି।
ଦେଓଗାଁ ବ୍ଲକ ଅନ୍ତର୍ଗତ ଦେଶଣ୍ଡ ସ୍ଥିତ ଉଚ୍ଚ ପ୍ରାଥମିକ ବିଦ୍ୟାଳୟରେ ଜଣେ ଅଷ୍ଟମ ଶ୍ରେଣୀ ଛାତ୍ରଙ୍କୁ ଗତକାଲି ଶ୍ରେଣୀ କୋଠରୀ ଭିତର ପାଠ ପଢ଼ାଉଥିବା ସମୟରେ ସମ୍ପୃକ୍ତ ଶିକ୍ଷକ ଜଣକ ରାଗରେ ଛାତ୍ରଙ୍କୁ ଲକ୍ଷ୍ୟ କରି ଡଷ୍ଟର ଫିଙ୍ଗିବାରୁ ମୁଣ୍ଡରେ ବାଜି ରକ୍ତସ୍ରାବ ହୋଇଥିଲା। ଏନେଇ ଛାତ୍ର ଜଣଙ୍କ ଘରେ ଜଣାଇବା ପରେ ତାଙ୍କ ପରିବାର ଲୋକେ ପ୍ରଧାନ ଶିକ୍ଷକଙ୍କ ନିକଟରେ ଅଭିଯୋଗ କରି ଶିକ୍ଷା ବିଭାଗର ଦୃଷ୍ଟି ଆକର୍ଷଣ କରିଛନ୍ତି। ଏନେଇ ଦେଓଗାଁ ବିଇଓ ମମତା ମହାଡିକଙ୍କୁ ପଚାରିବାରୁ ତଦନ୍ତ କରି କାର୍ଯ୍ୟାନୁଷ୍ଠାନ କରାଯିବ ବୋଲି କହିଛନ୍ତି। ଏ ଦିଗରେ ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ସାଧାରଣରେ ଦାବୀ ହେଉଛି।
ଶିକ୍ଷକଙ୍କ ଡଷ୍ଟର ମାଡ଼ରେ ଫାଟିଲା ଛାତ୍ରର ମୁଣ୍ଡ
Popular Categories
Previous article
Next article