ଦେଓବନ୍ଧରେ ଆଞ୍ଚଳିକ ଚକ୍ଷୁ ପରୀକ୍ଷା ଶିବିର
ପାଟଣା: କେନ୍ଦୁଝର ଉନ୍ନୟନ ଟ୍ରଷ୍ଟ ଓ ଜନଚେତନା ଫାଉଣ୍ଡେସନର ମିଳିତ ଆନୁକୂଲ୍ୟରେ ଦେଓବନ୍ଧ ସ୍ଥିତ ବିବେକାନନ୍ଦ କେନ୍ଦ୍ର ଠାରେ ଏକ ଦିବସୀୟ ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ବରିଷ୍ଠ ଗାନ୍ଧୀ ବିଚାର ସଂଗଠକ ଭକ୍ତ ବତ୍ସଳ ମହାନ୍ତିଙ୍କ ସଂଯୋଜନାରେ ଏହି ଶିବିରକୁ କେନ୍ଦୁଝର ଉନ୍ନୟନ ଟ୍ରଷ୍ଟର ବରିଷ୍ଠ ଟ୍ରଷ୍ଟି ଅବସରପ୍ରାପ୍ତ ପ୍ରାଧ୍ୟାପକ ଡକ୍ଟର ବିମ୍ବାଧର ବେହେରା ଉଦଘାଟନ କରିଥିଲେ। ପଞ୍ଚାୟତ ବଡ଼ ଦେଉଳି, ସାନ ଦେଉଳି,ଜାମୁପଶି, ଦେଓବନ୍ଧ, ଆଡ଼କଟା, ପଟିଲୋ ଓ ବିନିଦା ଗ୍ରାମ ପଞ୍ଚାୟତର ମସିଣାଯୋଡି, ଫୁଲଝର, ବିନିଦା, ରଙ୍ଗାମାଟିଆ, ଚମ୍ପାପଶି ଗ୍ରାମରୁ ୫୮ ଜଣ ବରିଷ୍ଠ ନାଗରିକ ମାନଙ୍କର ଚକ୍ଷୁ ପରୀକ୍ଷା କରାଯାଇ ପ୍ରାଥମିକ ସେବା ପ୍ରଦାନ ପୂର୍ବକ ପରାମର୍ଶ ଦିଆଯାଇଛି। ସେମାନଙ୍କ ମଧ୍ୟରୁ ୧୦ ଜଣ ବରିଷ୍ଠ ନାଗରିକଙ୍କର ମୋତିଆ ବିନ୍ଦୁ ଚିହ୍ନଟ କରାଯାଇଛି। ୧୦ ଜଣ ବରିଷ୍ଠ ମୋତିଆ ବିନ୍ଦୁ ଚିହ୍ନଟ ହୋଇଥିବା ରୋଗୀଙ୍କୁ ଅସ୍ତ୍ରୋପଚାର ନିମନ୍ତେ ଭୂମିକା ଚକ୍ଷୁ ଚିକିତ୍ସାଳୟକୁ ପ୍ରେରଣ କରାଯାଇଛି। ରୋଗୀ ମାନଙ୍କର ଯିବା ଆସିବା, ରହିବା, ଖାଇବା, ଔଷଧ, ଚଷମା ଓ ଅସ୍ତ୍ରୋପଚାର ଚକ୍ଷୁ ଚିକିତ୍ସାଳୟ କେନ୍ଦୁଝର ତରଫରୁ ମାଗଣା କରାଯିବ ବୋଲି କର୍ଣ୍ଣାଟ କିଶୋର ଜେନା ଜଣାଇଛନ୍ତି।
Comments are closed.