ମୁମ୍ବାଇ : ବଲିଉଡ ଅଭିନେତା ରାଜକୁମାର ରାଓଙ୍କୁ ନିକଟରେ ଏକ ଖାସ୍ ଉପହାର ମିଳିଛି । ଏହା ଏକ କଷ୍ଟମାଇଜ୍ଡ ୟେଜଦି ରୋଡଷ୍ଟର ବାଇକ । ଏହି ବାଇକକୁ ଜାଓ୍ବା-ୟେଜଦି ମୋଟରସାଇକେଲ କମ୍ପାନୀ ଦ୍ବାରା ରାଜକୁମାରଙ୍କୁ ଉପହାର ଦିଆଯାଇଛି । ଏଥିରେ ଡୁଆଲ ଟୋନ୍ କଲର ସ୍କିମ୍ ରହିଛି । ଏହି ବାଇକକୁ ରାଜକୁମାରଙ୍କ ଫିଲ୍ମ ‘ଗନ୍ସ ଏଣ୍ଡ୍ ଗୁଲାବ୍ସ’କୁ ଟ୍ରିବ୍ୟୁଟ ରୂପେ ମଧ୍ୟ ଡିଜାଇନ୍ କରାଯାଇଛି । ଫିଲ୍ମର ନାଁକୁ ରିୟର ମଡଗାର୍ଡ ଓ ସାଇଡ୍ ପ୍ୟାନେଲରେ ଲେଖାଯାଇଛି । ଏହାକୁ ଏକ ସ୍ପେଶାଲ ଟଚ୍ ଦିଆଯାଇଛି ଯାହା ଏହାକୁ ଅଧିକ ଖାସ୍ କରୁଛି । ଅନ୍ୟପଟେ ଆନନ୍ଦ ମହିନ୍ଦ୍ରା ଏକ୍ସରେ ପୋଷ୍ଟ କରି ଗନ୍ସ ଏଣ୍ଡ୍ ଗୁଲାବ୍ସ ଏଡିଶନ କଥା ଉଠାଇ କହିଛନ୍ତି କି ରାଜକୁମାରଙ୍କ ପାଇଁ ଏହା ଉପଯୁକ୍ତ ବାଇକ୍ ।
Guns & Gulaabs edition
Suitable for ‘a Raj Kummar…’
— anand mahindra (@anandmahindra) July 19, 2024
ଏହା କେବଳ ଦେଖିବାକୁ ଖାସ୍ ନୁହେଁ । ଏଥିରେ କିଛି ମେକାନିକାଲ ପରିବର୍ତ୍ତନ ମଧ୍ୟ କରାଯାଇଛି । ଗାଡିରେ ୩୩୪ ସିସି ଲିକ୍ବିଡ୍-କୁଲ୍ଡ ଇଞ୍ଜିନ୍ ମିଳେ ଯାହା ୨୮ ବିଏଚପି ଏବଂ ୨୯.୪ ଏନଏମ୍ ଟର୍କ ଉତ୍ପନ କରିଥାଏ । ଏହାକୁ କେବଳ ରାଜକୁମାରଙ୍କ ପାଇଁ ଖାସ୍ ରୂପେ କମ୍ପାନୀ ପ୍ରସ୍ତୁତ କରିଛି । ରାସ୍ତାରେ ଏହାକୁ ଦେଖିବାକୁ ମିଳିବନି । ଏହାର ଦାମ୍ ୨.୦୯ ଲକ୍ଷ(ଏକ୍ସ-ଶୋରୁମ୍) । କମ୍ପାନୀ ବିନା ଅତିରିକ୍ତ ଖର୍ଚ୍ଚରେ ହେଡଲ୍ୟାମ୍ପ ଗ୍ରିଲ୍, କ୍ରାଶ୍ ଗାର୍ଡ, ବାଇକ କଭର ଆଦି ଗ୍ରାହକଙ୍କୁ ଯୋଗାଇ ଦେଇଥାଏ ।
