ଅନୁଗୁଳ: ଅନୁଗୁଳ ଥାନା ବଜାର ଛକ ନିକଟରେ ଜନ ଗହଳି ପୂର୍ଣ୍ଣ ଅଞ୍ଚଳରେ ଥିବା ଆନ୍ଧ୍ର ବ୍ୟାଙ୍କରୁ ଲୁଟ୍ ହୋଇଥିବା ଅଭିଯୋଗ ହୋଇଛି । ଦିନ ୧୦.୩୦ ସମୟରେ ବ୍ୟାଙ୍କର ଷ୍ଟ୍ରଙ୍ଗ ରୁମରୁ ଲୁଟେରାମାନେ ୨୭ରୁ ୨୮ ଲକ୍ଷ ଟଙ୍କା ଲୁଟି ନେଇଛନ୍ତି । ଲୁଟେରାମାନେ ପ୍ରଥମେ ବ୍ୟାଙ୍କରେ ପଶି ୩୦ରୁ ୪୦ ଜଣ ଉପସ୍ଥିତ ଥିବା ଗ୍ରାହକଙ୍କୁ ବନ୍ଧୁକ ଦେଖାଇ ଡରାଇବା ସହ ଗୋଟିଏ ରୁମରେ ଭର୍ତ୍ତି କରି ତାଲା ପକାଇ ଦେଇଥିଲେ ଏବଂ ସେମାନଙ୍କଠାରୁ ସବୁ ମୋବାଇଲ ଫୋନ୍ ଛଡାଇ ନେଇଥିଲେ । ପରେ ବ୍ୟାଙ୍କର କର୍ମଚାରୀମାନଙ୍କୁ ଧରି ବ୍ୟାଙ୍କର ଷ୍ଟ୍ରଙ୍ଗ ରୁମକୁ ନେଇଥିଲେ । ସେଠାରେ ଲକର ଭାଙ୍ଗି ସୁନା ଗହଣା ସହ ୨୭ ଲକ୍ଷରୁ ଅଧିକ ଟଙ୍କା ଲୁଟି ନେଇ ଫେରାର ହୋଇଯାଇଥିଲେ । ଲୁଟେରାମାନେ ହିନ୍ଦୀରେ କଥା ହେଉଥିବା ଜଣା ପଡ଼ିଛି । ଖବର ପାଇ ଘଟଣାସ୍ଥଳରେ ଅନୁଗୁଳ ପୁଲିସ ଓ ଏସପି ପହଞ୍ଚି ତଦନ୍ତ ଆରମ୍ଭ କରିବା ସହ ତାଲା କାଟି ଗ୍ରାହକଙ୍କୁ ଉଦ୍ଧାର କରିଥିଲେ । ପ୍ରାୟ ୫ ଜଣ ଲୁଟେରା ୨ ବାଇକରେ ଆସିଥିବା ସିସିଟିଭି ଫୁଟେଜରୁ ଜଣାପଡିଛି ।
