ସମାଜ ଡିଜିଟାଲ ଡେସ୍କ: ଓଡ଼ିଶାରେ ବିଜେପି ଶାସନ ଆରମ୍ଭ ହୋଇଛି। ଓଡ଼ିଶାବାସୀ ଏହି ଜାତୀୟ ଦଳ ଉପରେ ଆସ୍ଥା ପ୍ରକଟ କରି ଶାସନ କ୍ଷମତା ଦେଇଛନ୍ତି। ହେଲେ ଦଳ ଏହାକୁ କିପରି ସୂଚାରୁରୂପେ ତୁଲାଇବ ଏବଂ ଲୋକଙ୍କ ଆସ୍ଥାଭାଜନ ହେବେ ସେଥିପାଇଁ ଅଣ୍ଟାଭିଡିଛି। ଶୁକ୍ରବାର ପୁରୀରେ ବିଜେପିର ରାଜ୍ୟ କାର୍ଯ୍ୟକାରିଣୀ ବୈଠକ ହେବାକୁ ଥିବାବେଳେ ଏହା ପୂର୍ବରୁ ପଦାଧିକାରୀଙ୍କୁ ନେଇ ଏକ ବୈଠକ ବସିଥିଲା। ବୈଠକରେ କେନ୍ଦ୍ର ଏବଂ ରାଜ୍ୟ ବିଜେପିର ବରିଷ୍ଠ ନେତାମାନେ ଉପସ୍ଥିତ ରହିଥିଲେ। ତେବେ ଦଳ ରାଜ୍ୟବାସୀଙ୍କ ନିକଟତର ହେବା ଲାଗି ୩ ସ’ ଥିଓରୀ ଉପରେ ଗୁରୁତ୍ଵ ଦେଇଥିବା ଜଣାପଡ଼ିଛି। ଏହି ୩ ସ’ ହେଉଛି ‘ସରକାର, ସଂଗଠନ ଏବଂ ସାଧାରଣ ଲୋକ’। ସରକାର ଏବଂ ଜନସାଧାରଣଙ୍କ ମଧ୍ୟରେ ସେତୁ ଭଳି କାର୍ଯ୍ୟ କରିବ ସଂଗଠନ। ସଂଗଠନ ଲୋଙ୍କ ସମସ୍ୟା ଏବଂ ତୃଣମୂଳସ୍ତରରୁ ସମସ୍ୟା ଆଣି ସରକାରଙ୍କୁ ଦେବ ବୋଲି ପଦାଧିକାରୀ ବୈଠକ ପରେ ରାଜ୍ୟ ବିଜେପି ଉପସଭାପତି ଗୋଲକ ମହାପାତ୍ର ସୂଚନା ଦେଇଛନ୍ତି।
Popular Categories
Previous article
Next article