ଟିଟିଲାଗଡ: ସଇଁତଲା ତହସିଲ ଅନ୍ତର୍ଗତ ସଇଁତଲା ଗ୍ରାମରେ ଜମି ବିବାଦ ନେଇ ପୀଡିତ ପରିବାର ଟିଟିଲାଗଡ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଦିନ ୧୦ଟାରୁ ଧାରଣା ଆରମ୍ଭ କରିଛନ୍ତି। ଧାରଣାରେ ବସିଥିବା ପୀଡିତ ପରିବାରର ୩ ଭାଇ ଅଭିଯୋଗ କରିଛନ୍ତି ଯେ ତାଙ୍କ ଅଜା ଗୁଲଠୁ ସାହୁଙ୍କ ଦୁଇ ପୁଅ ଏକଚାଟିଆ ଭାବରେ ପ୍ରାୟ ୧୫ ଏକର ଜମି ନିଜ ନାମରେ କରାଇ ନେଇଛନ୍ତି।ସ୍ବର୍ଗତ ଗୁଲଠୁଙ୍କ ଦୁଇ ଭଉଣୀଙ୍କ ପୁଅ ମାନଙ୍କୁ ପୂର୍ବ ତହସିଲଦାର ଉତ୍ତରାଧିକାରୀ ଭାବରେ ପୂର୍ବରୁ ଜଣାଇଥିଲେ। ତେବେ ନୁଆଁ ତହସିଲଦାରଙ୍କ ସହଯୋଗରେ ପୀଡିତ ପରିବାରଙ୍କ ମିଥ୍ୟା ଦସ୍ତଖତ କରାଇ ଜମି ସବୁ ହଡ଼ପ କରି ନେଇଥିବା ଅଭିଯୋଗ କରିଛନ୍ତି। ଏହାକୁ ନେଇ ଗୁଲଠୁଙ୍କ ଝିଅଙ୍କ ତିନି ପୁଅ ପୂର୍ବରୁ ଟିଟିଲାଗଡ ଉପଜିଲ୍ଲାପାଳଙ୍କୁ ଲିଖିତ ଭାବରେ ଜଣାଇ ଥିଲେ। ତେବେ ଅଣଶୁଣା ହେବାରୁ ଆଜି ଠାରୁ ଧାରଣା ଆରମ୍ଭ କରିଛନ୍ତି। ମାସଟିଏ ପୂର୍ବରୁ ଉକ୍ତ ଦୁଇ ଭାଇ ପଟ୍ଟା ପାଇଥିବା ବେଳେ ସେମାନେ ଉକ୍ତ ଜମିକୁ ବିକ୍ରି କରି ଚାଲିଥିବା ଅଭିଯୋଗ କରିଛନ୍ତି। ଟିଟିଲାଗଡ ସହାୟକ ଜିଲ୍ଲାପାଳ ସନ୍ଦୀପ ଚନ୍ଦ୍ରାକର ଧାରଣାକାରୀଙ୍କ ସହ ଆଲୋଚନା ଜାରି ରଖିଛନ୍ତି।
Popular Categories
Previous article
Next article