ଫୁଲବାଣୀ : କନ୍ଧମାଳ ଜିଲ୍ଲାର ଖଜୁରୀପଡ଼ା ବ୍ଲକ୍ ଅନ୍ତର୍ଗତ ଦୁତୀମେଣ୍ଡି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ବନମହୋତ୍ସବ ପାଳିତ ହୋଇଯାଇଛି । ପୃଥିବୀ ପୃଷ୍ଠରେ ଗଛ ଗୁଡିକ କମି କମି ଯାଉ ଥିବାବାବେଳେ ଏହାର ପ୍ରଭାବରେ ଧିରେ ଧିରେ ଅମ୍ଳଜାନ ହ୍ରାସ ପାଉଛି । ତଦ୍ ସହିତ ଉତ୍ତାପ ବଢିବା ସାଙ୍ଗକୁ ବର୍ଷାର ଅଭାବ ଦେଖା ଦେଉଛି । ଏହାକୁ ଦୃଷ୍ଟିରେ ରଖି ପରିବେଶ ସୁରକ୍ଷା ପାଇଁ ବନମହୋତ୍ସବ ମାଧ୍ୟମରେ ବିଦ୍ୟାଳୟ ପରିସରରେ ଆମ୍ବ, ନିମ୍ବ ଓ ସଜନା ସମେତ ବିଭିନ୍ନ ଚାରା ରୋପଣ କରାଯାଇଥିଲା ।
ଏଥିରେ ମୁଖ୍ୟ ଅତିଥି ଭାବେ ଖଜୁରୀପଡା ଗୋଷ୍ଠୀ ଶିକ୍ଷା ଅଧିକାରୀ ବିନୋଦ ବିହାରୀ ଦିଗାଲ ଯୋଗଦେଇଥିଲେ। କାର୍ଯ୍ୟକ୍ରମରେ ସମ୍ମାନିତ ଅତିଥି ରୂପେ ସହ ଗୋଷ୍ଠୀ ଶିକ୍ଷା ଅଧିକାରୀ ଆରତୀ ଦେବୀ ଓ ନାରସୁ କହଁର, ଦୁତୀମେଣ୍ଡି ରାଜସ୍ୱ ନୀରିକ୍ଷକ ମାନସ ରଞ୍ଜନ ସାହୁ, ପିରାମଲ୍ ଫାଉଣ୍ଡେସନର ସଦସ୍ୟ ନିରୁପମା ତାଣ୍ଡି, ସିଆରସିସି ଦୁତୀ ମେଣ୍ଡି ରଘୁନାଥ କହଁର ଯୋଗ ଦେଇ ଥିଲେ । ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ଇନ୍ଦୁମତୀ ପଟ୍ଟନାୟକ, ଏସଏମସି ସଭାପତି ଯଶୋଦା ପ୍ରଧାନ, ୱ।ର୍ଡ ମେମ୍ବର ଦେବରାଜ ମୁଖି ସମେତ ସମସ୍ତ ଛାତ୍ରଛାତ୍ରୀ ବିଦ୍ୟାଳୟ ପରିଚାଳନା କମିଟି ସଦସ୍ୟ ସଦସ୍ୟା ମାନେ ଉପସ୍ଥିତ ଥିଲେ ।
