ନୂଆଦିଲ୍ଲୀ : ସୋସିଆଲ ମିଡିଆରେ ନିକଟରେ ଏପରି ଏକ ଭିଡିଓ ଭାଇରାଲ୍ ହେଉଛି । ଯାହାକୁ ଦେଖିଲେ ଭୟଭୀତ ହେବା ସ୍ୱଭାବିକ ।
ଭିଡିଓଟି ଋଷିକେଶର ରାମ ଝୁଲା କ୍ଷେତ୍ରର । ରାସ୍ତାରେ ଲଢୁଥିବା ୨ଟି ଷଣ୍ଢ ଏକ ବ୍ୟାଗ୍ ଦୋକାନ ଭିତରେ ପ୍ରବେଶ କରୁଛନ୍ତି । ଷଣ୍ଢ ଲଢୁଥିବାର ଦୃଶ୍ୟ ସିସିଟିଭିରେ କଏଦ ହୋଇଛି । ମାତ୍ର ଯେଉଁ ସମୟରେ ଷଣ୍ଢ ଲଢି ଲଢି ଦୋକାନ ଭିତରକୁ ଯାଉଛନ୍ତି ସେଠାରେ ପୂର୍ବରୁ ୨ ଜଣ ଯୁବତୀ ଦୋକାନ ଭିତରେ ରହିଛନ୍ତି।
The lives of both the girls were at stake in the Kalesh between two bulls. Luckily, the goods kept in the shop fell on the girls due to which they were saved, the video is of Munikireti Ram Jhula in Rishikesh
pic.twitter.com/Q1PZcNzcc1— Ghar Ke Kalesh (@gharkekalesh) July 13, 2024
ଭିଡିଓରେ ଦେଖିପାରିବେ ଦୋକାନ ଭିତରେ ୨ ଜଣ ଯୁବତୀ ବ୍ୟାଗ୍ ଦେଖୁଛନ୍ତି । ମାତ୍ର ସେହି ସମୟରେ ହଠାତ୍ ଗୋଟିଏ ଷଣ୍ଢ ପ୍ରଥମେ ଦୋକାନ ଭିତରକୁ ଆସୁଛି । ଏହାପରେ ଆଉ ଏକ ଷଣ୍ଢ ଭିତରକୁ ଆସିବା ସହ ୨ ଜଣଙ୍କ ଭିତରେ ଲଢେଇ ହେଉଛି । ପ୍ରଥମେ ଯୁବତୀଙ୍କ ନିକଟତର ଷଣ୍ଢ ହେବା ପରେ ଲଢେଇ ବଢୁଛି । ଦୋକାନରେ ଥିବା ଜିନିଷ ଯୁବତୀଙ୍କ ଉପରେ ଖସି ପଡୁଛି । ଯାହାଦ୍ୱାରା ସେମାନେ ଏକ ବଡ ବିପଦରୁ ରକ୍ଷା ପାଇଯାଇଛନ୍ତି । ଭିଡିଓ ଆରମ୍ଭରେ ଦେଖିପାରିବେ ପ୍ରଥମେ ଯୁବତୀ ୨ ଜଣ ହସୁଛନ୍ତି । ମାତ୍ର ପରେ ଷଣ୍ଢ ନିକଟତର ହେବା ମାତ୍ରେ ସେମାନେ ଭୟରେ ଦୋକାନ ଉପରକୁ ଚଢିବାକୁ ଚେଷ୍ଟା କରୁଥିଲେ । ଏହି ସମୟରେ ଷଣ୍ଢ ସେମାନଙ୍କୁ ଆକ୍ରମଣ କରିବାକୁ ଲାଗିଲେ । ବ୍ୟାଗ୍ ଗୁଡିକ ଯୁବତୀଙ୍କ ଉପରେ ଖସି ପଡିବାରୁ ଷଣ୍ଢ ସେମାନଙ୍କୁ ଆକ୍ରମଣ କରିବା ପରେ ମଧ୍ୟ ଅଧିକ କ୍ଷତି ହୋଇ ନାହିଁ । ଯୁବତୀ ୨ଜଣ ଲୁଚି ରହୁଛନ୍ତି । ମାତ୍ର ସେମାନେ ଆହତ ହୋଇଛନ୍ତି । କିଛି ସମୟରେ ଦୋକାନୀ ଏକ ଠେଙ୍ଗା ନେଇ ଭିତରୁ ଆସିବା ସହ ଷଣ୍ଢକୁ ଦୋକାନ ଭିତରୁ ବାହାରକୁ ବାହାର କରି ଥିଲେ । ଏହାପରେ ଯୁବତୀ ମାନେ ସେଠାରୁ ବାହାରି ଯାଇଥିଲେ।
Comments are closed.