ସିମୁଳିଆ : ଦୀର୍ଘଦିନ ଧରି ସିମୁଳିଆ ଅଞ୍ଚଳରେ ବେଆଇନ କରତକଳ ଚାଲୁଥିବା ନେଇ ବନ ବିଭାଗ ନିକଟରେ ଅଭିଯୋଗ ହୋଇ ଆସୁଥିଲା। ଆଜି ବନ ବିଭାଗ ପକ୍ଷରୁ ମିଳିତ ଚଢାଉ କରାଯାଇ ସିମୁଳିଆ ଥାନାଠାରୁ ଦୁଇ ଶହ ମିଟର ଦୂରରେ ଥିବା ବେଆଇନ କରତକଳକୁ ଜବତ କରିବା ସହ ଲକ୍ଷାଧିକ ଟଙ୍କାର ଯନ୍ତ୍ରାଂଶ କଟା ଯାଇଥିବା ଜଣାଯାଇଛି।
ସକ୍ରିୟ ମୌସୁମୀ ; ୫ ଦିନ ପର୍ଯ୍ୟନ୍ତ ଲାଗି ରହିବ ବର୍ଷା, ଏସବୁ ଜିଲାରେ ପ୍ରବଳ ବର୍ଷିବ..
ସୂଚନାରୁ ପ୍ରକାଶ ବାଲେଶ୍ବର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ମାର୍କୋଣାଠାରେ ଥିବା ବେଆଇନ କରତକଳକୁ ଆଜି ବାଲେଶ୍ବର ଜିଲ୍ଲା ବନ ସଂରକ୍ଷକ ଖୁସବତ ସିଂଙ୍କ ନିର୍ଦ୍ଦେଶକ୍ରମେ,ବାଲେଶ୍ବର ସହାୟକ ବନ ସଂରକ୍ଷକ ରାମଚନ୍ଦ୍ର ମୁର୍ମୁ,ଚାନ୍ଦିପୁର ସହାୟକ ବନ ସଂରକ୍ଷକ ଜୟଶ୍ରୀ ମୁର୍ମୁ ଓ କୁଳଡିହାର ପ୍ରବୀର ମୁର୍ମୁଙ୍କ ନେତୃତ୍ୱରେ ମିଳିତ ଚଢାଉ କରାଯାଇଥିଲା। ଏହି ଚଢାଉରେ ଦାମୀ କାଠ ଓ ଯନ୍ତ୍ରାଂଶ ଯାହାର ଆନୁମାନିକ ମୂଲ୍ୟ ୫ଲକ୍ଷ ଟଙ୍କାରୁ ଉର୍ଦ୍ଧ୍ବ ଜିନିଷ ଜବତ କରିଥିବା ଜିଲ୍ଲା ସହାୟକ ବନ ସଂରକ୍ଷକ ଶ୍ରୀ ମୁର୍ମୁ ସୂଚନା ଦେଇଥିଲେ। ଏହି ଚଢାଉରେ ମାଜିଷ୍ଟ୍ରେଟ ଭାବେ ସୋର ତହସିଲର ଅତିରିକ୍ତ ତହସିଲଦାର ଜଗନ୍ନାଥ ବେହେରା ଉପସ୍ଥିତ ଥିବା ବେଳେ ତାଳପଦା ବନ ସଂରକ୍ଷକ ଦେବରାଜ ରାଉତ , ପଞ୍ଚଲିଙ୍ଗେଶ୍ୱର ବନ ସଂରକ୍ଷକ ଭାଗ୍ୟଶ୍ରୀ ଦ୍ବିବେଦୀ, ସ୍ୱତନ୍ତ୍ର ସ୍କ୍ବାର୍ଡ ହିମାଂଶୁ ଓ ମଞ୍ଜୁଲତା ପ୍ରଧାନ ଏବଂ ସିମୁଳିଆ ଏ.ଏସ.ଆଇ ସନ୍ତୋଷ ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ ।
