ମେଷ : ଉଚ୍ଚଶିକ୍ଷା ଓ ସାକ୍ଷାତ କାରର ପ୍ରସ୍ତୁତି ସ୍ବରୂପ ଦୈବୀ ଶକ୍ତିସମ୍ପନ୍ନ କନ୍ୟା ମନୋନୟନ କରିବେ। ନାନା ଉପାଦେୟ ପୁସ୍ତକ ପଠନରେ ମନ ଦେବେ। ଅର୍ଥ ପ୍ରାପ୍ତିର ସୂଚନା ମିଳୁଛି। ସ୍ବୟଂସିଦ୍ଧା ହୋଇପାରନ୍ତି।
ବୃଷ: ମହତ୍ ପ୍ରୟାସୀ ହୋଇପାରନ୍ତି। ଜ୍ଞାନର ଅବତରଣ କରାଇ କଠିନ କାର୍ଯ୍ୟକୁ ସହଜ ସୁଲଭ କରାଇ ପାରନ୍ତି। ପରଧନରେ ଧନୀ ହୋଇପାରନ୍ତି। ରଣ କ୍ଷେତ୍ରରେ ଜଣେ ଶୌର୍ଯ୍ୟଶାଳୀର ପ୍ରମାଣ ଦେବେ।
ମିଥୁନ: ଧର୍ମପ୍ରିୟ ହେବେ। ପାଣ୍ଡିତ୍ୟର ପରିପ୍ରକାଶ ଘଟାଇପାରନ୍ତି। କର୍ମଚଞ୍ଚଳ ରହିବେ। ଆତ୍ମବିଶ୍ବାସୀ ଓ ବିରଳ ଅଧ୍ୟବସାୟ ଆପଣଙ୍କୁ ମହାନ୍ କରିପାରେ। ବିଭିନ୍ନ ସ୍ତରରୁ ଅର୍ଥାଗମ ହୋଇ ଆର୍ଥିକ ସ୍ଥିତି ଦୃଢ଼ ହେବ।
କର୍କଟ: ଆପଣଙ୍କ ପ୍ରତ୍ୟେକ କର୍ମ ଯଜ୍ଞ ଓ କର୍ମଯୋଗରେ ପରିଣତ ହେବ। ତ୍ୟାଗରୂପକ ଜୀବନ ଶୋଧନର ରାଜମାର୍ଗକୁ ବାଛି ନେଇପାରନ୍ତି। ଧନ ଅର୍ଜନର ମାର୍ଗ ଉନ୍ମୁକ୍ତ ରହିଛି। କର୍ମଠ ଓ ମତିଜ୍ଞ ହେବେ।
ସିଂହ: ଭଲ ଆୟ ହେବ। ସରକାରୀ ବା ବନ୍ଧୁ ସୂତ୍ରରୁ ଲାଭବାନ୍ ହୋଇପାରନ୍ତି। ଆପଣ ନିଜର ପ୍ରଗତିଶୀଳ ପଦକ୍ଷେପକୁ ଲୋକଲୋଚନକୁ ଆଣିପାରନ୍ତି। ଉତ୍ତମ ସ୍ବାସ୍ଥ୍ୟ ପାଇଁ ଆହାର ପରିବର୍ତ୍ତନ ଜରୁରୀ। ସ୍ନେହୀ ହେବେ।
କନ୍ୟା: ବଂଶ ପରମ୍ପରାରେ ଅଜନ୍ମା ଜ୍ଞାନୀ ହୋଇପାରନ୍ତି; ଏକାନ୍ତ ଓ ନିର୍ଜନ ସ୍ଥାନର ସାଧନା ଶୁଭଫଳ ଦାୟକ ହେବ। ଦାନଶୀଳ ଭାବେ ଗରିବଙ୍କ ସହାୟତା କରିବେ। ସ୍ବାସ୍ଥ୍ୟର ସୁରକ୍ଷା ପାଇଁ ଧନ ବ୍ୟୟ କରିବେ।
ତୁଳା:ଜ୍ଞାନ ପିପାସୁ ହେବେ। ସତ୍କର୍ମରେ ନିଜକୁ ନିୟୋଜିତ କରିବେ। ସରକାରୀ ସ୍ତରରୁ ଧନ ସହିତ ସମ୍ମାନ ପ୍ରାପ୍ତିର ସୂଚନା ମିଳୁଛି। ପରୋପକାର ଭଳି ମହତ୍ କାର୍ଯ୍ୟକରି ପ୍ରଶଂସାଭାଜନ ହେବେ।
ବିଛା: କର୍ମକ୍ଷେତ୍ରରେ କଷ୍ଟ ସହି କାର୍ଯ୍ୟ କରି ଇଷ୍ଟ ପ୍ରାପ୍ତିର ହକ୍ଦାର ହେବେ। ଜଣେ କର୍ମଠ ଓ ଚରିତ୍ରବତ୍ତା ବ୍ୟକ୍ତିବିଶେଷ ଭାବେ ପ୍ରାୟ ପ୍ରତେକ କ୍ଷେତ୍ରରେ ମୁଣ୍ଡ ଟେକି ଆଗକୁ ବଢ଼ିପାରନ୍ତି। ନୀତିନିଷ୍ଠ ହେବେ।
ଧନୁ:କାର୍ଯ୍ୟର ସଫଳ ରୂପାୟନ କରି ଜଣେ କରିତ୍କର୍ମାର ପରିଚୟ ସୃଷ୍ଟି କରିବେ। ନିଜର ସାଧୁ ଗୁଣ ଓ ଦୈବୀଶକ୍ତି ବଳରେ ଶକ୍ତିମାନ୍ ହେବେ। ପ୍ରାପ୍ତ କ୍ଷମତାର ସଦ୍ ବ୍ୟବହାର କରି କର୍ମଯୋଗୀର ପ୍ରମାଣ ଦେବେ।
ମକର: ଆଜି ଏପରି ଏକ ଦିନ ଆପଣଙ୍କୁ ହାତେ ମାପି ଚାଖଣ୍ଡେ ଚାଲିବାକୁ ପଡ଼ିବ। ମାନସିକ ସଂଘାତ ଅନୁଭବ କରିପାରନ୍ତି। ଠାକୁରଙ୍କ ନିକଟରେ ଭାବ ଭକ୍ତିର ନୈବେଦ୍ୟ ଢାଳି ଶରଣାଗତ ହେବେ।
କୁମ୍ଭ: ସେବା ଓ ପରୋପକାରକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। କର୍ମତତ୍ପର ଓ ଧର୍ମ ମାର୍ଗରେ ମାର୍ଗୀ ହୋଇପାରନ୍ତି। ସେବା ଭାବନାରେ ଉନ୍ମୁଖ ହୋଇପାରନ୍ତି। ଈଶ୍ବରଙ୍କ ଭକ୍ତିରେ ଶକ୍ତିସମ୍ପନ୍ନ ହେବେ।
ମୀନ: ଭାଇ, ବନ୍ଧୁ, ଜ୍ଞାତି, କୁଟୁମ୍ବ ଓ ଶୁଭେଚ୍ଛୁମାନଙ୍କ ସହାୟତାରେ ଶତ୍ରୁ ବିନାଶ କରି ମାନସିକ ଶାନ୍ତି ଫେରିପାଇବେ। କିଛି ବକୟା ଅର୍ଥ ପ୍ରାପ୍ତ ହୋଇ ଋଣ ପରିଶୋଧ କରି ଆଶ୍ବସ୍ତ ହେବେ। ସତ୍ଗୁଣପରାୟଣ ହେବେ।
ଜାଣନ୍ତୁ ଆଜି କେଉଁ ରାଶିର ଲୋକେ ବ୍ୟବସାୟରେ ଲାଭ ପାଇବେ: ଶନିବାର ରାଶିଫଳ
Popular Categories
Previous article
Next article