ଭବାନୀପାଟଣା: କଳାହାଣ୍ଡିି ଜିଲା ସଦର ଥାନା ଅନ୍ତର୍ଗତ ଜମୁନାବାହାଲ୍ ଗାଁ ନିକଟରେ ଜଣେ ଡେଲିଭରି ବଏକୁ ଆକ୍ରମଣ ହୋଇଛି। ତାଙ୍କୁ ନିସ୍ତୁକ ମାଡ଼ ମାରିବା ସହ ତାଙ୍କ ମୋବାଇଲ, ଟଙ୍କା ଏବଂ କିଛି ପାର୍ଶଲ ସାମଗ୍ରୀ ଦୁର୍ବୃତ୍ତ ମାନେ ଲୁଟି ନେଇଥିବା ଜଣାପଡ଼ିଛି। ଡେଲିଭରି ବଏଙ୍କ ନାମ କ୍ଷେତ୍ରପାଳ ଭାଟି ଏବଂ ସେ ସ୍ଥାନୀୟ ଆମ୍ବଗଛ ପଡ଼ାର ବାସିନ୍ଦା ବୋଲି ଜଣାପଡ଼ିଛି। ଶୁକ୍ରବାର ଅପରାହ୍ନରେ କ୍ଷେତ୍ରପାଳ ଦାଦପୂର ଅଞ୍ଚଳରେ ଗ୍ରାହକଙ୍କୁ ପାର୍ଶଲ୍ ସାମଗ୍ରୀ ଦେଇ ଫେରୁଥିଲେ। ଏହି ସମୟରେ ଯମୁନାବାହାଲ ଗାଁ ପୂର୍ବରୁ ତିନି ଜଣ ଦୁର୍ବୃତ୍ତ ତାଙ୍କୁ ଅଟକାଇ ମାଡ଼ ମାରି ଲୁଟ କରିଥିଲେ। ତାଙ୍କ ଚିତ୍କାର ଶୁଣି ଗାଁ ଲୋକେ ପହଞ୍ଚିବାରୁ ଦୁର୍ବୃତ୍ତ ମାନେ ଘଟଣାସ୍ଥଳରେ ଏକ ନମ୍ୱର୍ ବିହୀନ ବାଇକ୍ ଛାଡି ଫେରାର ହୋଇଥିଲେ। ଗୁରୁତର ଅବସ୍ଥାରେ କ୍ଷେତ୍ରପାଳଙ୍କୁ ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଖବର ପାଇ ସଦରଥାନା ପୋଲିସ ଘଟଣାର ତଦନ୍ତ କରୁଛି।
Comments are closed.