ସିମୁଳିଆ: ଓଡ଼ିଶା ତଥା ସିମୁଳିଆ ନିର୍ବାଚନ ମଣ୍ଡଳୀର ପରିବର୍ତ୍ତନର ଆବଶ୍ୟକତା ହୋଇ ପଡ଼ିଛି। ତେଣୁ ଚଳିତ ନିର୍ବାଚନରେ ବିଜେପିର ଦଳୀୟ ଦୁଇ ପ୍ରାର୍ଥୀଙ୍କୁ ପଦ୍ମ ଚିହ୍ନରେ ଭୋଟ ଦେଇ ଜିତାଇବା ନିମନ୍ତେ ସିମୁଳିଆ ନିର୍ବାଚନ ମଣ୍ଡଳୀବାସୀଙ୍କୁ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିବେଦନ କରିଛନ୍ତି। ସିମୁଳିଆ ନିର୍ବାଚନ ମଣ୍ଡଳୀର ଅଡ଼ା ପଡ଼ିଆଠାରେ ବିଜେପିର ବିଜୟ ସଂକଳ୍ପ ସମାବେଶରେ ଯୋଗ ଦେଇ ନିଜ ବକ୍ତବ୍ୟ ରଖିଛନ୍ତି କେନ୍ଦ୍ରମନ୍ତ୍ରୀ। ଓଡ଼ିଶା ବିଭିନ୍ନ ପ୍ରକଳ୍ପ ମାଧ୍ୟମରେ ଶାସନ ଗାଦିରେ ବସିଥିବା ସରକାର ଦିନ ଦ୍ୱିପ୍ରହରରେ ସବୁ ଚଳୁ କରିଥିବା ଅଭିଯୋଗ କରି ବିଜେପି ସରକାର ଆସିଲେ ସେମାନଙ୍କୁ ଜେ୍ଲ ପଠାଇ ଦିଆଯିବ ବୋଲି ଦୃଡୋକ୍ତି ବାଢିଥିଲେ ଧର୍ମେନ୍ଦ୍ର। ଏଥିସହ ମୋଦୀ ସରକାରଙ୍କ ବିଭିନ୍ନ ଜନହିତକାରୀ ଯୋଜନା ସମ୍ପର୍କରେ ଜନସାଧାରଣଙ୍କୁ ସୂଚନା ଦେଇଥିଲେ। ଏହି ଗସ୍ତ ସମୟରେ ସାଂସଦ ପ୍ରାର୍ଥୀ ଅଭିମନ୍ୟୁ ସେଠୀ ଓ ବିଧାୟକ ପ୍ରାର୍ଥୀ ପଦ୍ମଲୋଚନ ପଣ୍ଡାଙ୍କୁ ବିପୁଳ ସଂଖ୍ୟାରେ ଭୋଟ ଦେଇ ବିଜୟୀ କରିବାକୁ ଜନସାଧାରଣଙ୍କୁ ନିବେଦନ କରିଥିଲେ।
Comments are closed.