ଡେସ୍କ: ନିର୍ବାଚନ ତାରିଖ ଯେତିକି ପାଖେଇ ଆସୁଛି, ରାଜନୈତିକ ଦଳଗୁଡିକ ସେମାନଙ୍କ ନେତା ଓ ତାରକା ପ୍ରଚାରକଙ୍କୁ ନେଇ ରାଲି, ରୋଡ଼ ଶୋ ଓ ନିର୍ବାଚନୀ ସଭା ଅଧିକରୁ ଅଧିକ ଆୟୋଜିତ କରୁଛନ୍ତି। ବିଶେଷ ଭାବେ ବିଜେପିର ଅନେକ ତୁଙ୍ଗ ନେତା ରାଜ୍ୟକୁ ଆସି ନିର୍ବାଚନୀ ସଭାରେ ଲୋକମାନଙ୍କୁ ଦଳୀୟ ପ୍ରାର୍ଥୀଙ୍କ ସପକ୍ଷରେ ଭୋଟ ଦେବାକୁ ନିବେଦନ କରୁଛନ୍ତି। ତେବେ ପ୍ରଚାରରେ ସମ୍ପୃକ୍ତ ନେତାମାନେ ନିର୍ଦ୍ଧାରିତ କେତୋଟି ପ୍ରସଙ୍ଗକୁ ଭୋଟରଙ୍କ ଆଗରେ ଉପସ୍ଥାପନ କରୁଛନ୍ତି।
ଖବର ଅନୁଯାୟୀ, ଆଜି ବିଜେପିର ବରିଷ୍ଠ ନେତା ତଥା କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ରାଉରକେଲାରେ ଜନସଭାକୁ ସମ୍ବୋଧିତ କରି ପୁରୁଣା କଥାକୁ ଦୋହରାଇ ଥିଲେ। ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅନ୍ୟ ଦଳୀୟ ନେତା ରାଜ୍ୟ ସରକାରଙ୍କୁ ଯେଉଁ ପ୍ରସଙ୍ଗରେ ସମାଲୋଚନା କରିଥିଲେ, ଆଜି ମଧ୍ୟ ସେହିସବୁ ପ୍ରସଙ୍ଗ ଉପରେ ଶ୍ରୀ ଶାହା କହିଥିଲେ। ସେ ଶ୍ରୀମନ୍ଦିରର ୪ ଦ୍ୱାର ଖୋଲିବା, ରତ୍ନଭଣ୍ଡାର ଚାବି, ତଦନ୍ତ କମିଶନ ରିପୋର୍ଟ ବିଷୟରେ କହିଥିଲେ। ସେ କହିଥିଲେ ଯେ ବିଜେପି ଏଥର ଓଡ଼ିଶାରେ ୧୫ରୁ ଅଧିକ ଲୋକସଭା ଓ ୭୫ରୁ ଅଧିକ ବିଧାନସଭା ସିଟ୍ ଜିତିବ।
https://samajalive.in/disciplinary-action-vijay-mohapatra-expelled-from-bjp-for-anti-party-activities/561368.html
