ଫୁଲବାଣୀ: ସୁସ୍ଥ ଓ ନିରୋଗ ଶିଶୁ ସମାଜ ଓ ଦେଶର ପ୍ରଗତିରେ ଏକ ମୂଲ୍ୟବାନ ଭୁମିକା ଗ୍ରହଣ କରନ୍ତି। ଓଡ଼ିଶାରେ କମ୍ ଓଜନର ନବଜାତ ଶିଶୁ ଜନ୍ମ ହାର କମାଇବା ପାଇଁ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ଯୋଜନା କାର୍ଯ୍ୟକାରି କରୁଛନ୍ତି। ତଥାପି କିଛିଗୁଡିଏ ଅନ୍ଧବିଶ୍ୱାସ ଓ କୁସଂସ୍କାର ଯୋଗୁଁ ଅପହଂଚ ଅଂଚଳରେ କମ୍ ଓଜନର ଶିଶୁ ଜନ୍ମ ହେବାର ଦୃଷ୍ଟିଗୋଚର ହେଉଛି। ଏହାର କାରଣ ଜାଣିବା ପାଇଁ କନ୍ଧମାଳ ଜିଲ୍ଲା ସ୍ୱାସ୍ଥ୍ୟ ସମିତି ସ୍ୱଚ୍ଛାସେବୀ ଅନୁଷ୍ଠାନ ସ୍ୱାତୀ ମାଧ୍ୟମରେ ଏକ ସର୍ବେକ୍ଷଣ ଫିରିଙ୍ଗିଆ, ଫୁଲବାଣୀ ଓ ଖଜୁରିପଡ଼ା ବ୍ଲକରେ କରିଥିଲେ। ସର୍ବେକ୍ଷଣରୁ ଆସିଥିବା ନିର୍ଯାଶ ଗୁଡିକୁ ଆଜି ମୁଖ୍ୟ ଚିକିତ୍ସାଳୟ ସଭାଗୃହରେ ଉପସ୍ଥାପନ କରା ଯାଇଥିଲା। ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ ଡା. ମନୋଜ କୁମାର ଉପାଧ୍ୟାୟ ଅଧ୍ୟକ୍ଷତା କରିଥିଲେ। ଜିଲ୍ଲା ଉପଖଣ୍ଡ ସ୍ଥରୀୟ ଚିକିତ୍ସାଳୟ ବାଲିଗୁଡାର ଅଧକ୍ଷ ଡା.ଏସ.କେ.ସାହୁକାର, ଏ.ଡି.ପି.ଏଚ୍.ଓ ଡା. ପ୍ରଶନ୍ନ କୁମାର ତ୍ରୀପାଠୀ, ଜିଲ୍ଲା ଜନ ସ୍ୱାସ୍ଥ୍ୟ ଅଧିକାରୀ ଡା. କଲ୍ୟାଣୀ ମିଶ୍ର ଓ ବରିଷ୍ଟ ସ୍ତ୍ରୀ ରୋଗ ବିଶେଷଜ୍ଞ ଡା. ଅଭୟ ପଟ୍ଟନାୟକ ଉପସ୍ଥିତ ରହି ଗ୍ରାମ ସ୍ତରରେ କିପରି ମାତୃ ଓ ଶିଶୁ ସ୍ୱାସ୍ଥ୍ୟ ସଠିକ ରୁପେ ପରିଚାଳନା ହୋଇପାରିବ ସେ ଦିଗରେ ମତାମତ ରଖିଥିଲେ।
Comments are closed.