ଲାଞ୍ଜିଗଡ଼ : କଳାହାଣ୍ଡି ଜିଲା ନର୍ଲା ଥାନା ସିଜେରକୁପା ଫାଣ୍ଡି ଅନ୍ତର୍ଗତ ଲାଞ୍ଜିଗଡ଼ ବ୍ଳକ ଭବାନୀପାଟଣା-ରାୟଗଡାକୁ ସଂଯୋଗ କରୁଥିବା ରାଜ୍ୟ ୬ନଂ ରାଜ ପଥର କିଡିଙ୍ଗ ଗାଁ ନିକଟରେ ଆଜି ସନ୍ଧ୍ୟା ସମୟରେ ବିଶାଖାପାଟଣାଠାରୁ ଛତିଶଗତ ରାୟଘର ଯାଉଥିବା ଏକ ଆଲୁମିନା ପାଉଡର ନେଇ ଯାଉଥିବା ଟଲର ଗାଡିରେ କୌଣସି କାରଣରୁ ନିଆଁ ଲାଗି ଯିବା ଫଳରେ ମୁଖ୍ୟ ରାସ୍ତା ଉପରେ ହୁହୁ ହୋଇ ଜଳିଯାଇଥିଲା।
ଡ୍ରାଇଭର ରାଜେଶ ୟାଦବ ଓ ହେଲପର ସୁରକ୍ଷିତ ରହିଥିବା ବେଳେ ସ୍ଥାନୀୟ ଲୋକେ ସିକେରକୁପା ଫାଣ୍ଡିକୁ ଖବର ଦେଇଥିଲେ। ସିକେରକୁପା ଫାଣ୍ଡି ଅଧିକାରୀ ମୀନକେତନ ଶବର ସହ ତାଙ୍କ ଟିମ ଘଟଣା ସ୍ଥଳେ ପହଞ୍ଚିଥିଲେ। ଖବର ପାଇ ଲାଞ୍ଜିଗଡ଼ ଅଗ୍ନିଶମ ବିଭାଗ ବିଭାଗ ଓ ନର୍ଲା ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିବା ସୂଚନା ମିଳିଛି।
