କଳାପଥର(ବାଙ୍କୀ): ଆଗାମୀ ବିଧାନସଭା ଓ ଲୋକସଭା ନିର୍ବାଚନ ପରିଚାଳନା ପାଇଁ ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟରେ ଇଭିଏମ୍ ଭିଭିପ୍ୟାଟ୍ ଏବଂ ବାଲାଟ୍ ୟୁନିଟ୍ ପହଂଚିଛି। ଷଷ୍ଠ ପର୍ଯ୍ୟାୟରେ ହେବାକୁ ଥିବା ନିର୍ବାଚନ ପାଇଁ ଆସନ୍ତା ଏପ୍ରିଲ୍ ୨୯ ତାରିଖରେ ବିଜ୍ଞପ୍ତି ଜାରି ହେବା ସହ ନାମାଙ୍କନ ଦାଖଲ ଆରମ୍ଭ ହୋଇ ମେ ୬ ତାରିଖରେ ଶେଷ ହେବ। ମେ ୭ ତାରିଖରେ ପ୍ରାର୍ଥୀପତ୍ର ଯାଞ୍ଚ ହେବା ସହ ମେ ୯ ତାରିଖ ସୁଧା ପ୍ରାର୍ଥୀପତ୍ର ପ୍ରତ୍ୟାହାର କରାଯିବ। ମେ ୨୫ ତାରିଖରେ ବିଧାନସଭା ଏବଂ ଲୋକସଭା ପାଇଁ ନିର୍ବାଚନ ବାଙ୍କୀରେ ଅନୁଷ୍ଠିତ ହେବା ସହ ଜୁନ୍ ୪ ତାରିଖରେ ବାଙ୍କୀ କଲେଜ ପରିସରରେ ଭୋଟ ଗଣତି କରାଯିବ ବୋଲି ସହକାରୀ ଜିଲ୍ଲାପାଳ ଧନଞ୍ଜୟ କିଷାନ୍ ଜଣାଇଛନ୍ତି। ବାଙ୍କୀରେ ଉଭୟ ଲୋକସଭା ବିଧାନସଭା ନିର୍ବାଚନ ମଣ୍ଡଳିର ବୁଥ୍ ଗୁଡିକ ପାଇଁ ୨୫୧ଟି ଲେଖାଏଁ ୫୮୨ଟି ଇଭିଏମ୍ ମେସିନ୍, ବାଲାଟ୍ ୟୁନିଟ୍ ୫୮୨ ଓ ୩୧୫ଟି ଭିଭିପାର୍ଟ ମେସିନ୍ ଆସିଥିବା ନିର୍ବାଚନ ଅଧିକାରୀଙ୍କ ଠାରୁ ପ୍ରକାଶ।
Popular Categories
Previous article
Next article