ବାଲେଶ୍ୱର: ବାଲେଶ୍ବର ଜିଲା ଭୋଗରାଇ ବ୍ଲକରେ ବାବା ଚନ୍ଦନେଶ୍ୱରଙ୍କ ଚଡ଼କ ଯାତ୍ରାରେ ଜଣେ ବ୍ରତଧାରୀଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ମୃତକ ମହିଳାଙ୍କ ବୟସ ୪୦ବର୍ଷ ହେବ ଏବଂ ତାଙ୍କ ଘର ପଶ୍ଚିମବଙ୍ଗରେ ହୋଇଥିବା ଜଣାପଡ଼ିଛି। ଅପରପକ୍ଷରେ ଏହି ଯାତ୍ରାରେ ଅନ୍ୟ ଜଣେ ଶ୍ରଦ୍ଧାଳୁଙ୍କ ଅବସ୍ଥା ଗୁରୁତର ହୋଇଛି ଏବଂ ତାଙ୍କୁ ଚିକିତ୍ସା ପାଇଁ ସ୍ଥାନୀୟ ମେଡ଼ିକାଲରେ ଭର୍ତ୍ତି କରାଯାଇଛି।
ମିଳିଥିବା ସୂଚନା ଅନୁଯାୟୀ ମୃତକ ମହିଳା ବ୍ରତଧାରୀ ଜଣଙ୍କ ଆଜି ସକାଳେ ହଠାତ ଅସୁସ୍ଥ ହୋଇ ପଡ଼ିଥିଲେ। ଯାତ୍ରାରେ ନିୟୋଜିତ ଥିବା ସ୍ୱାସ୍ଥ୍ୟକର୍ମୀମାନେ ତାଙ୍କୁ ଉଦ୍ଧାର ପରେ ଚିକିତ୍ସା କରିଥିଲେ। କିନ୍ତୁ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା। ଯାତ୍ରାରେ ପ୍ରବଳ ଭିଡ଼ ଓ ଜନସମାଗମ ହୋଇଥିବାରୁ ଅଣନିଃଶ୍ୱାସୀ ହୋଇପଡ଼ି ମହିଳାଙ୍କର ତାଙ୍କର ହୋଇଛି ବୋଲି ଭୋଗରାଇ ମେଡିକାଲ ଅଫିସର ଡା. କମଳାକାନ୍ତ ଜେନା ସୂଚନା ଦେଇଛନ୍ତି। ଅନ୍ୟଜଣଙ୍କୁ ଗୁରୁତର ଅବସ୍ଥାରେ ଅସ୍ଥାୟୀ ସ୍ୱାସ୍ଥ୍ୟ ଶିବିରରେ ଚିକିତ୍ସା କରାଯାଉଛି ବୋଲି ସେ ପ୍ରକାଶ କରିଛନ୍ତି।
