ନୂଆଦିଲ୍ଲୀ : ଇଲେକ୍ଟ୍ରିକ୍ ଦୁଇଚକିଆ ଯାନ ନିର୍ମାଣ କରୁଥିବା କମ୍ପାନୀ ଅଲ୍ଟ୍ରାଭାଓଲେଟ୍ ଅଟୋମେଟିଭ୍ ଏଫ୭୭ ଇଲେକ୍ଟ୍ରିକ୍ ମୋଟରସାଇକେଲର ବ୍ୟାଟେରୀ ଏବଂ ଡ୍ରାଇଭଟ୍ରେନ୍ ଉପରେ ଓ୍ବାରେଣ୍ଟି ଘୋଷଣା କରିଛି । ଏଣିକି ଅଲ୍ଟ୍ରାଭାଓଲେଟ୍ ଏଫ୭୭ ୮ ଲକ୍ଷ କିଲୋମିଟର ପର୍ଯ୍ୟନ୍ତ ବୈଶିକ ଓ୍ବାରେଣ୍ଟି ସହିତ ଉପଲବ୍ଧ ହେବ । ନୂଆ ଓ୍ବାରେଣ୍ଟି ୩ ମଡେଲ ଯଥା ୟୁଭି କେୟାର, ୟୁଭି କେୟାର ପ୍ଲସ୍ ଏବଂ ୟୁଭି କେୟାର ମ୍ୟାକ୍ସରେ ଉପଲବ୍ଧ ହେବ ।
ଗାଡ଼ି ପାଇଁ ପ୍ରଦୂଷଣ ପ୍ରମାଣପତ୍ର ଗୁରୁତ୍ୱପୂର୍ଣ୍ଣ; ଘରେ ବସି ଅନ୍ଲାଇନ୍ ଯାଞ୍ଚ ସହ ଏମିତି କରନ୍ତୁ ଡାଉନ୍ଲୋଡ୍
ଅଲ୍ଟ୍ରାଭାଓଲେଟ୍ ଏଫ୭୭ରେ ୩ ବର୍ଷ ବା ୩୦ ହଜାର କିଲୋମିଟର ପର୍ଯ୍ୟନ୍ତ ମାନକ ଓ୍ବାରେଣ୍ଟି ମିଳେ । ତେବେ ୟୁଭି କେୟାର ମଡେଲରେ ୩ ବର୍ଷ ବା ୬୦ ହଜାର କିଲୋମିଟର ଏବଂ ୟୁଭି କେୟାର ପ୍ଲସରେ ୫ ବର୍ଷ ବା ଲକ୍ଷେ କିଲୋମିଟର ପର୍ଯ୍ୟନ୍ତ ଓ୍ବାରେଣ୍ଟିକୁ ବଢାଇ ଦିଆଯାଇଛି । ତେବେ ୟୁଭି କେୟାର ମ୍ୟାକ୍ସରେ ୮ ଲକ୍ଷ କିଲୋମିଟର ବା ୮ ବର୍ଷର କଭରେଜ୍ ମିଳିବ । କମ୍ପାନୀ କହିଛି କି ବାରମ୍ବାର ପରୀକ୍ଷଣ ପରେ କମ୍ପାନୀ ଗାଡିରେ ଏହି ସୁବିଧା ଆଣିଛି ଏବଂ ଗ୍ରାହକଙ୍କୁ ଏହାର ଫାଇଦା ମିଳିବ । ଦାମ୍ କଥା କହିବା ତ ଏହି ଗାଡିର ଦାମ୍ ୩ ଲକ୍ଷ ୮୦ ହଜାର ଟଙ୍କାରୁ ଆରମ୍ଭ ହୋଇ ୫ ଲକ୍ଷ ୬୦ ହଜାର ଟଙ୍କା ପର୍ଯ୍ୟନ୍ତ ଯାଇଥାଏ ।
