ନୂଆଦିଲ୍ଲୀ: ବଲିଉଡ ତାରକା ସଞ୍ଜୟ ଦତ୍ତ ରାଜନୀତିରେ ଯୋଗ ଦେବା ସହ ଏଥର ଲୋକସଭା ନିର୍ବାଚନ ଲଢିବେ ବୋଲି ବିଭିନ୍ନ ମହଲରେ ଚର୍ଚ୍ଚା ହେଉଥିଲା। ହେଲେ ଏବେ ନିଜେ ସଞ୍ଜୟ ଦତ୍ତ ଏହାକୁ ଖଣ୍ଡନ କରିଛନ୍ତି। ସାମାଜିକ ଗଣମାଧ୍ୟମରେ ଏକ ବାର୍ତ୍ତା ଦେଇ ସଞ୍ଜୟ କହିଛନ୍ତି ଯେ ରାଜନୀତିରେ ଯୋଗ ଦେବାକୁ ତାଙ୍କର କୌଣସି ଇଚ୍ଛା ନାହିଁ। ନିର୍ବାଚନ ଲଢିବେ ବୋଲି ଯେଉଁ ଚର୍ଚ୍ଚା ଚାଲିଛି ତାହା ଗୁଜବ। ପ୍ରଶଂସକମାନେ ଏହାକୁ ବିଶ୍ୱାସ କରନ୍ତୁ ନାହିଁ ବୋଲି ସଞ୍ଜୟ କହିଛନ୍ତି। ଭବିଷ୍ୟତରେ ଯଦି ରାଜନୀତିରେ ଯୋଗ ଦେବାକୁ ନିଷ୍ପତି ନିଅନ୍ତି ତେବେ ନିଜେ ସମସ୍ତଙ୍କୁ ଅବଗତ କରାଇବେ। ସୂଚନା ଅନୁସାରେ ସଞ୍ଜୟ ଦତ୍ତଙ୍କ ବାପା ସୁନୀଲ ଦତ୍ତ ଏକାଧିକବାର ସାଂସଦ ରହିଥିଲେ। ବାପାଙ୍କ ପଥ ଅନୁସରଣ କରି ସଞ୍ଜୟ କଂଗ୍ରେସରୁ ପ୍ରାର୍ଥୀ ହୋଇ ହରିୟାଣାର କରନାଲ୍ ଆସନରୁ ନିର୍ବାଚନ ଲଢିବେ ବୋଲି ଚର୍ଚ୍ଚା ଜୋରଦାର ହେଉଥିଲା।
Popular Categories
Previous article
Next article