କଣିହାଁ : କଣିହାଁ ଏନଟିପିସି ପ୍ଲାଣ୍ଟରେ ଶନିବାର ଅଗ୍ନିକାଣ୍ଡ ଘଟିଛି। କୋଲ ଟ୍ରାନସଫର ପ୍ଲାଣ୍ଟ ଟିପି-୧୬ ଓ କନଭର ବେଲ୍ଟରେ ଅଗ୍ନିକାଣ୍ଡ ଘଟିଛି। ପୁରା ପ୍ଲାଣ୍ଟ ଅଞ୍ଚଳ ଧୁଆଁ ମୟ ହୋଇଯାଇଥିବା ବେଳେ କେହି ମୃତାହତ ହୋଇ ନଥିବା ଜଣାପଡିଛି। ଅଗ୍ନିକାଣ୍ଡ ଦେଖି ପ୍ଲାଣ୍ଟର ସମୁଦାୟ ୬ଟି ୟୁନିଟ ମଧ୍ୟରୁ ୩ନଂ ୟୁନିଟକୁ ବନ୍ଦ ରଖାଯାଇଛି। ନିଆଁକୁ ଆୟତ୍ତ କରାଯାଇଛି। ଅଗ୍ନିକାଣ୍ଡର କାରଣ ଜଣାପଡି ନଥିବା ବେଳେ ଲକ୍ଷ ଲକ୍ଷ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଥିବା ଜଣାପଡିଛି।
ସୂଚନା ଯୋଗ୍ୟ, ଶନିବାର ସକାଳ ପ୍ରାୟ ୮ ଘଟିକା ୧୦ମିନିଟ ସମୟରେ ପ୍ଲାଣ୍ଟର ୟୁନିଟ -୨ ଓ ୟୁନିଟ -୩ ମଧ୍ୟରେ ଥିବା କନଭର ବେଲଟ ୧୫(ଏ) ଓ ୧୫(ବି), ଓ ଟିପି -୧୬ରେ ଅଗ୍ନିକାଣ୍ଡ ଘଟିଥିଲା। ପରେ ଏନଟିପିସି ନିଆଁ ଲିଭାଳି ଦଳ ଓ ଅନ୍ୟାନ୍ୟ ନିଆଁ ଲିଭାଳି ଦଳ ଜିଲା, ରାଜ୍ୟ ପ୍ରଶାସନ, ପାଖରେ ଥିବା ଅନ୍ୟାନ୍ୟ ପ୍ଲାଣ୍ଟର ସହଯୋଗୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ଅଗ୍ନିକାଣ୍ଡର କାରଣ ଓ କ୍ଷୟକ୍ଷତି ସଂପର୍କରେ ତଦନ୍ତ ଚାଲିଥିବା ଏନଟିପିସି ଏଚଆର ମୁଖ୍ୟ ବି କେ ପାଣ୍ଡେ ସୂଚନା ଦେଇଛନ୍ତି।
Comments are closed.