ନୂଆଦିଲ୍ଲୀ : ଦେଶରେ ଇଲେକ୍ଟ୍ରିକ୍ କାର ବଜାର ତୀବ୍ର ଗତିରେ ବଢିବାକୁ ଲାଗିଛି । ଚଳିତ ବର୍ଷ ଶେଷ ସୁଦ୍ଧା ୧୪ ନୂଆ ମଡେଲ୍ ବଜାରକୁ ଆସିବ । ଅନେକ ନୂଆ କମ୍ପାନୀ ଆସିବା ଫଳରେ ୧୦-୧୫ ଲକ୍ଷ ଟଙ୍କା କାରର ଦାମ୍ ପ୍ରାୟ ଲକ୍ଷେ କିମ୍ବା ଦେଢ ଲକ୍ଷ ଟଙ୍କା କମ୍ ହୋଇଯିବ । ପ୍ରିମିୟମ୍ କାର ସବୁଠାରୁ ଅଧିକ ଶସ୍ତା ହେବ ।
କମ୍ପାନୀମାନେ ନିଜ କାରର ଦାମ୍ ହ୍ରାସ କରିବା ଆରମ୍ଭ କରିଦେଇଛନ୍ତି । ଟାଟା ମୋଟର୍ସ ନେକ୍ସନ ଇଭିର ଦାମ୍ ୧.୨୦ ଲକ୍ଷ ଟଙ୍କା ହ୍ରାସ କରିଦେଇଛି । ଦାମରେ ୭୦ ହଜାର ଟଙ୍କାର ହ୍ରାସ ପରେ ଟିଆଗୋ ଇଭିର ଦାମ୍ ଏବେ ୭.୯୯ ଲକ୍ଷ ଟଙ୍କାରୁ ଆରମ୍ଭ ହେଉଛି । ଏହାର ସିଧା ପ୍ରଭାବ ଏମଜି କମେଟ୍ ଇଭି ଉପରେ ହେବ । ଏହାର ଦାମ୍ ୬.୯୯ ଲକ୍ଷ ଟଙ୍କାରୁ ଆରମ୍ଭ ହେଉଛି ।
ଇଭି ବଜାରରେ ଏବେ ଟାଟା ମୋଟର୍ସର ଭାଗିଦାରୀ ୭୨ ପ୍ରତିଶତ । ବୈଶିକ ତଥ୍ୟ ଆକଳନ ଅନୁସାରେ ଆଗାମୀ ବର୍ଷ ଇଲେକ୍ଟ୍ରିକ୍ କାରରେ ମାରୁତିର ଭାଗିଦାରୀ ୧୧ ପ୍ରତିଶତ ହେବ । ଟାଟା ମୋଟର୍ସର ଭାଗିଦାରୀ ୪୪ ପ୍ରତିଶତରେ ପହଞ୍ଚିବ । ମାରୁତି ସୁଜୁକି ଡିସେମ୍ବର ସୁଦ୍ଧା ନିଜ ପ୍ରଥମ ଇଲେକ୍ଟ୍ରିକ୍ କାରର ବଜାର ପ୍ରବେଶ କରାଇବ । କମ୍ପାନୀ ଅନୁସାରେ ଏହାର ଦାମ୍ ପ୍ରାୟ ୨୨ ଲକ୍ଷ ଟଙ୍କା ହେବ ।
