ସମାଜ ଡିଜିଟାଲ ଡେସ୍କ: ବିଜେପି ପକ୍ଷରୁ କଙ୍ଗନା ରାଣାୱତଙ୍କୁ ପ୍ରାର୍ଥୀ ଭାବେ ନାମ ଘୋଷଣା ପରେ ବିରୋଧୀ ଦଳ ତାଙ୍କୁ ଟାର୍ଗେଟ କରିଛନ୍ତି । କଙ୍ଗନାଙ୍କୁ ନେଇ କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନେଟ ବିବାଦୀୟ ମନ୍ତବ୍ୟ ଦେବା ପରେ ଏବେ ମୁହଁ ଖୋଲିଛନ୍ତି ବିଜେପି ସାଂସଦ ତଥା ଅଭିନେତ୍ରୀ ହେମା ମାଳିନୀ । ମଙ୍ଗଳବାର ହେମା ମାଳିନୀ କହିଛନ୍ତି ଯେ କଙ୍ଗନା ବହୁତ ମଜବୁତ, ସେ ନିଶ୍ଚିତ ଏହାର ଜବାବ ଦେବେ ।
ହିମାଚଳ ପ୍ରଦେଶର ମଣ୍ଡି ଲୋକସଭା ଆସନରୁ ବିଜେପି ପକ୍ଷରୁ କଙ୍ଗନାଙ୍କ ନାମ ଘୋଷଣା ହୋଇଛି । ଏହାପରେ ବିରୋଧୀ ଦଳର ନେତାମାନେ କଙ୍ଗନାଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେବାରେ ଲାଗିଛନ୍ତି । ଏହାକୁ ବିରୋଧ କରି ହେମା ମାଳିନୀ କହିଛନ୍ତି ଯେ କଙ୍ଗନା ଜଣେ ସାହାସୀ ଏବଂ ସ୍ପଷ୍ଟବାଦୀ ମହିଳା । ବିରୋଧୀଙ୍କୁ ଟାର୍ଗେଟ କରି ହେମା ମାଳିନୀ କହିଛନ୍ତି ନିଜେ ଜଣେ ମହିଳା ହୋଇ ଅନ୍ୟ ଜଣେ ମହିଳାଙ୍କ ବିଷୟରେ ଏଭଳି କହିବା ଭୁଲ । କଙ୍ଗନା ଜଣେ ଭଲ ଅଭିନେତ୍ରୀ ଭାବେ ସର୍ବଦା ନିଜକୁ ଶ୍ରେଷ୍ଠ ସାବ୍ୟସ୍ତ କରିଛନ୍ତି । ଅନେକ ପୁରସ୍କାର ମଧ୍ୟ ଜିତିଛନ୍ତି ।
ରାଜନୀତି ପାଇଁ ସେ ସମ୍ପୂର୍ଣ୍ଣ ଉପଯୁକ୍ତ ବୋଲି ହେମା ମାଳିନୀ କହିଛନ୍ତି । ଉତ୍ତରପ୍ରଦେଶର ମଥୁର ଲୋକସଭା ଆସନରୁ ଦୁଇ ଥର ସାଂସଦ ରହିଛନ୍ତି ହେମା ମାଳିନୀ ।
ରାଜନୀତି ପାଇଁ କଙ୍ଗନା ରାଣାୱତ ଉପଯୁକ୍ତ : ବିରୋଧୀଙ୍କୁ କଡା ଜବାବ ଦେଲେ ହେମା ମାଳିନୀ
Popular Categories
Previous article
Next article