ନୂଆଦିଲ୍ଲୀ: ଗତ ସପ୍ତାହରେ ଟ୍ରାଇ ପକ୍ଷରୁ ମୋବାଇଲ୍ ନମ୍ବର ସିମ୍ କାର୍ଡ ନିୟମରେ ପରିବର୍ତ୍ତନ କରାଯାଇଥିଲା । ଏହି ନୂଆ ନିୟମ ଅନୁସାରେ ଯଦି ଏକ ସିମ୍ କାର୍ଡ ଅଦଳବଦଳ କିମ୍ବା ପରିବର୍ତ୍ତନ କରାଯାଏ ତେବେ ସେହି ମୋବାଇଲ ନମ୍ବରକୁ ଅନ୍ୟ କୌଣସି ଟେଲିକମ୍ ଅପରେଟରକୁ ୭ଦିନ ପାଇଁ ପଠାଯାଇପାରିବ ନାହିଁ । ଏହି ନିୟମ ବହୁତ ଲାଭଦାୟକ ଅଟେ । ନୂଆ ନିୟମ ଆପଣଙ୍କୁ ସିମ୍ କାର୍ଡ ଦ୍ୱାରା ହେଉଥିବା ଠକେଇରୁ ରକ୍ଷା କରିବ । ସୂଚନା ଯୋଗ୍ୟ ଏମଏନପି ନିୟମ ଲାଗୁ ହେବା ପରଠାରୁ ଏହା ହେଉଛି ନବମ ନୂତନ ସଂଶୋଧନ । ଟ୍ରାଇ କହିଛି ଯେ ଦେଶରେ ସିମ୍ କାର୍ଡ ଠକେଇକୁ ରୋକିବା ଏବଂ ହ୍ରାସ କରିବା ପାଇଁ ଏହି ନୂତନ ନିୟମ ଜରୁରୀ ହୋଇଛି । ଏହି ନୂଆ ନିୟମ ଜୁଲାଇ ୧ତାରିଖରୁ କାର୍ଯ୍ୟକାରୀ ହେବ ।
ଆଜିକାଲି ଦେଶରେ ସିମ୍ ଅଦଳବଦଳ ସ୍କାମ ବଢିବାରେ ଲାଗିଛି । ଏହାକୁ ରୋକିବାକୁ ଟ୍ରାଇ ଏହି ନୂଆ ନିୟମ ଜାରି କରିଛି । ସିମ୍ କାର୍ଡ ଅଦଳବଦଳ ସ୍କାମରେ ଫୋନ୍ ନମ୍ବର ପୋର୍ଟ କରିବା ଏଜେନ୍ସି ଗୁଡିକ ପାଇଁ ଅପରାଧୀଙ୍କୁ ଟ୍ରାକ୍ କରିବା କଷ୍ଟକର ହୋଇଥାଏ ।
ସିମ୍ ଅଦଳବଦଳ ହେଉଛି ଏକ ପ୍ରକାର ଠକେଇ ଯେଉଁଥିରେ ଜଣେ ଠକ ବ୍ୟକ୍ତି ଆପଣଙ୍କ ମୋବାଇଲ ନମ୍ବର ଚୋରି କରିବା ପାଇଁ ଆପଣଙ୍କ ସିମ୍ କାର୍ଡକୁ ଏକ ନକଲି ସିମରେ ପରିବର୍ତ୍ତନ କରନ୍ତି । ଏହାର ମୂଳ ଉଦେ୍ଦଶ୍ୟ ହେଲା ନମ୍ବର ସହିତ ଜଡିତ ସମସ୍ତ ସୂଚନା ପାଇବା । ଯେପରିକି ବ୍ୟାଙ୍କ ଆକାଉଣ୍ଟ ବିବରଣୀ, ଏସଏମଏସ ପିନ୍, ୟୁଏସଏସଡି ନମ୍ବର ଇତ୍ୟାଦି ସମ୍ପର୍କରେ ସୂଚନା ପାଇବା ।
Comments are closed.